ভাৰতীয় মহিলা ক্রিকেট দলে কালি চেন্নাইৰ এম এ চিদাম্বৰম ষ্টেডিয়ামত অনুষ্ঠিত টি-২০ ক্রিকেট শংখলাৰ তিনিখনীয়া তৃতীয় তথা অন্তিমখন খেলত দক্ষিণ আফ্ৰিকাক ১০ উইকেটত পৰাস্ত কৰে। ভাৰতে ৮৫ ৰাণৰ বিজয় লক্ষ্যৰে খেল আৰম্ভ কৰি ১০ অভাৰ আৰু ৫টা বলত এটাও উইকেট নেহেৰুৱাকৈ নিৰ্ধাৰিত লক্ষ্যত উপনীত হয়। এই জয়েৰে ভাৰতে শৃংখলাত ১-১ ফলাফলত সমতা স্থাপন কৰে। ভাৰতৰ হৈ অপেনাৰ স্মৃতি মান্ধানাই ৪০টা বলত ৫৪ আৰু শ্বেফালি বাৰ্মাই ২৫টা বলত ২৭ ৰাণ কৰি আউট নোহোৱাকৈ থাকে। ইয়াৰ পূৰ্বে দক্ষিণ আফ্রিকাই প্ৰথমে বেট ধৰাৰ আমন্ত্ৰণ লাভ কৰি ১৭ অভাৰ আৰু ১টা বলত আটাইকেইটা উইকেট হেৰুৱাই ৮৪ ৰাণ কৰে। উল্লেখযোগ্য যে শৃংখলাৰ দ্বিতীয়খন খেল বৰষুণৰ বাবে পৰিত্যক্ত ঘোষণা কৰা হৈছিল। ভাৰতৰ পূজা বষ্টাকৰক প্লেয়াৰ অব দ্যা মেচ হিচাপে ঘোষণা কৰা হয়। খেলুৱৈগৰাকীক লগতে শৃংখলাত আগবঢ়োৱা উল্লেখনীয় প্ৰদৰ্শনৰ স্বীকৃতি স্বৰূপে প্লেয়াৰ অব দ্য চিৰিজ হিচাপেও ঘোষণা কৰা হয়।