বিনিয়োগ সন্মিলন এডভাণ্টেজ আছামৰ দ্বিতীয় সংস্কৰণলৈ বিদেশী বিনিয়োগকাৰীসকলক আকৰ্ষিত কৰাৰ উদ্দেশ্য ছিংগাপুৰলৈ যোৱা মুখ্যমন্ত্ৰী ড০ হিমন্ত বিশ্ব শৰ্মাই আজি দেশখনৰ উপ প্রধানমন্ত্ৰী তথা বাণিজ্য আৰু উদ্যোগ মন্ত্রী এইচ ই গান কীম ইয়ঙক সাক্ষাৎ কৰে। সাক্ষাৎ কালত ড০ শৰ্মাই জ্ঞান আধাৰিত অৰ্থব্যৱস্থা, ছেমি কনডাক্টৰ, দক্ষতা বিকাশ, সেউজ শক্তি ক্ষেত্ৰত অধিক সহযোগিতাৰে ভাৰত-আছিয়ান সর্বাত্মক কৌশলগত সহযোগিতাৰ কেন্দ্ৰ বিন্দু ৰূপে পৰিগণিত হোৱাৰ বাবে অসমে চলোৱা প্ৰচেষ্টাৰ বিষয়ে আলোকপাত কৰে। মুখ্যমন্ত্ৰীগৰাকীয়ে লগতে ছিংগাপুৰৰ ছেমি কনডাক্টৰ আৰু অন্য উদ্যোগৰ সৈতে জড়িত ব্যক্তিসকলৰ সৈতেও বৈঠকত মিলিত হয়।