ছত্তীশগড়ত নিৰাপত্তা বাহিনীয়ে বিজাপুৰ জিলাৰ বিভিন্ন স্থানৰ পৰা ১৬জন মাওবাদীক গ্ৰেপ্তাৰ কৰিছে। বিজাপুৰ থানা এলেকাৰ অন্তৰ্গত গোনা পডিয়াৰপাৰা অঞ্চলৰ পৰা ১১জন মাওবাদীক গ্ৰেপ্তাৰ কৰাৰ বিপৰীতে, উছুৰ থানা এলেকাৰ অন্তৰ্গত ভূছাপুৰ অঞ্চলৰ পৰা ৫জন মাওবাদীক গ্ৰেপ্তাৰ কৰা হৈছে। আৰক্ষীয়ে দাবী কৰা মতে, ধৃত মাওবাদী কেইজন আই ই ডি বিস্ফোৰণ আৰু অঞ্চলটোত নিৰাপত্তা বাহিনীৰ চলাচল ৰোধৰ বাবে পথ খন্দা কাণ্ডৰ সৈতে জড়িত আছিল।