ছত্তীশগড়ত কালি নিৰাপত্তাৰক্ষী আৰু মাওবাদী উগ্ৰপন্থীৰ মাজত হোৱা সংঘৰ্ষত কমেও ১০টা মাওবাদী নিহত হৈছে। সংঘৰ্ষৰ পিছত নিৰাপত্তাৰক্ষীয়ে ঘটনাস্থলীৰ পৰা বহু সংখ্যক অস্ত্ৰ-শস্ত্ৰ আৰু গোলাবাৰুদ উদ্ধাৰ কৰিছে। আমাৰ সংবাদদাতাই জনোৱা মতে ৰাজ্যখনৰ চুকমা জিলাৰ কন্তা অঞ্চলত মাওবাদীৰ উপস্থিতিৰ বিষয়ে চোৰাংচোৱা তথ্য লাভ কৰাৰ পিছতে চি আৰ পি এফ আৰু ডিষ্ট্রিক্ট ৰিজাৰ্ভ গার্ড- চমুকৈ ডি আৰ জিয়ে যুটীয়া অভিযান আৰম্ভ কৰে। এই অভিযানৰ সময়তে ভেজ্জী অঞ্চলৰ ঘন জংঘলত দুয়োপক্ষৰ মাজত গুলীয়াগুলী লাগে। এই সংঘর্ষত কমেও ১০ মাওবাদী নিহত হয়।