ছত্তিশগড়ত আজি নিৰাপত্তাৰক্ষীৰ সৈতে হোৱা সংঘৰ্ষত দুগৰাকী মহিলাকে ধৰি পাঁচগৰাকী মাওবাদী নিহত হয়৷ চোৰাংচোৱাৰ সূত্ৰৰ ভিত্তিত বি এছ এফ, এছ টি এফ আৰু জিলা ৰিজাৰ্ভ গাৰ্ডৰ সন্মিলীত এটা দলে নাৰায়ণপুৰ জিলাৰ অবুজমাদ অঞ্চলত মাওবাদী থকাৰ সম্ভেদ লাভ কৰি অভিযান চলায়। অভিযানত ৫ জন মাওবাদী সন্ত্রাসবাদী গুলীয়াই নিহত হয়। নিৰাপত্তাৰক্ষীয়ে অভিযানৰ অন্তত মাওবাদীৰ ৫টা মৃতদেহ সহ বৃহৎ পৰিমাণ অস্ত্ৰ-শস্ত্ৰ তথা গুলী-বাৰুদ জব্দ কৰে। সংঘৰ্ষত দুজন নিৰাপত্তাৰক্ষীৰ লোক আহত হয়।