বিজেপিৰ জ্যেষ্ঠ নেতা তথা কেন্দ্ৰীয় মন্ত্ৰী অনুৰাগ সিং ঠাকুৰ আৰু ডº এল মুৰুগানে আজি চেন্নাইত তামিল জনম টিভি যুটীয়াভাৱে মুকলি কৰে। অনুষ্ঠানত ভাষণ দি শ্রী ঠাকুৰে কয় যে, মানসম্পন্ন বাতৰি প্ৰচাৰৰ ক্ষেত্ৰত আঞ্চলিক ভাষাৰ চেনেলসমূহৰ বিকাশ ঘটোৱাৰ প্ৰয়োজন। তেওঁ চেনেলটোৰ এটা পেছাদাৰী পৃষ্ঠভূমি আছে বুলি প্ৰকাশ কৰি “ কয় যে, চেনেলটোৱে আধ্যাত্মিকতাৰ ওপৰত বিশেষ গুৰুত্ব আৰোপ কৰি তামিল পৰিচয়, জাতীয়তাবাদী ভাবাদর্শ তথা বাতৰি প্ৰচাৰ কৰিব। উদ্বোধনী অনুষ্ঠানত ভাষণ প্ৰসংগত ডº মুৰুগানে কয় যে, তামিলনাডুৰ সংস্কৃতি, কলা আৰু পৰম্পৰাৰ ঐশ্বৰ্য্যশালী ইতিহাস আছে। প্রধানমন্ত্ৰী নৰেন্দ্ৰ মোদীয়ে প্রাচীন ভাষা তামিলক গোলকীয় পৰ্যায়ত পৰিচয় কৰাই দিয়াৰ বিষয়ে তেওঁ সোঁৱৰে।