বিজ্ঞান আৰু ঔদ্যোগিক গৱেষণা পৰিষদ – চি এছ আই আৰে বিষ উপশম আৰু জ্বৰ কম কৰাৰ ঔষধ হিচাপে বহুলভাৱে ব্যৱহৃত পেৰাচিটামল উৎপাদনৰ এটা থলুৱা প্ৰযুক্তি বিকশাই তুলিবলৈ সক্ষম হৈছে বুলি বিজ্ঞান আৰু প্রযুক্তি মন্ত্রী ড° জীতেন্দ্র সিঙে ঘোষণা কৰিছে। নতুন দিল্লীত আজি বিজ্ঞান আৰু ঔদ্যোগিক গৱেষণা বিভাগৰ প্ৰতিষ্ঠা দিৱসৰ কাৰ্যসূচীত অংশগ্ৰহণ কৰি মন্ত্ৰীগৰাকীয়ে কয়, যে পেৰাচিটামল উৎপাদনৰ ক্ষেত্ৰত দেশক আত্মনিৰ্ভৰশীল কৰা আৰু এই ঔষধবিধ উৎপাদনৰ বাবে প্রয়োজনীয় উপাদানসমূহ আমদানীৰ ক্ষেত্ৰত নিৰ্ভৰশীলতা হ্ৰাস কৰাই এই উদ্ভাৱনৰ মূল উদ্দেশ্য।