চিৰাং জিলাৰ সদৰ কাজলগাঁওস্থিত জিলা শিক্ষা আৰু প্ৰশিক্ষণ প্ৰতিষ্ঠানৰ সভাকক্ষত আজি জিলাখনৰ প্ৰাথমিক পৰ্যায়ৰ শিক্ষক-শিক্ষয়িত্ৰীসকলৰ মাজত বুনিয়াদী স্তৰৰ সাক্ষৰতা শিক্ষণ-শিকন সামগ্ৰীৰ জিলা পৰ্যায়ৰ প্রদর্শনী তথা প্রতিযোগিতা অনুষ্ঠিত হয়। বুনিয়াদী স্তৰৰ পাঠদান সৃষ্টিশীল, আনন্দদায়ক আৰু ফলপ্ৰসূ কৰাৰ উদ্দেশ্যে আৰু শিক্ষক-শিক্ষয়িত্ৰীৰ মাজত শিক্ষণ সামগ্ৰীৰ প্ৰতি সজাগতা সৃষ্টিৰ লক্ষ্যৰে আয়োজন কৰা এই প্ৰদৰ্শনী তথা প্রতিযোগিতাত জিলাখনৰ চিদলী আৰু বড়োবজাৰ শিক্ষা খণ্ডৰ নিৰ্বাচিত মুঠ ১২ খন বিদ্যালয়ে অংশগ্ৰহণ কৰে।