চত্তিশগড়ৰ সুকমা জিলাত মাওবাদীৰ বোমা আক্রমণত কোব্ৰা বেটেলিয়নৰ দুজন জোৱান শ্বহীদ হয়। আৰক্ষীৰ সূত্ৰই প্ৰকাশ কৰা অনুসৰি বিয়লি প্রায় ৩ বজাত নিৰাপত্তা বাহিনীৰ জোৱানসকলে ছিলগাৰৰ পৰা টেকলাগুদাম শিবিৰলৈ আগুৱাই যোৱাৰ সময়তে এই ঘটনা সংঘটিত হয়। বাষ্টাৰ আৰক্ষীয়ে প্ৰকাশ কৰা বিবৃতিটোত ২০১ কোব্ৰা বেটেলিয়নৰ জোৱানসকলে মটৰচাইকেল আৰু ট্রাকেৰে গৈ থকা অৱস্থাত বোমাটো বিস্ফোৰণ হয়। ঘটনাৰ সবিশেষ এতিয়াও জানিব পৰা হোৱা নাই।