কেন্দ্ৰীয় চৰকাৰে গ্ৰাম্য জীৱনক পৰিৱৰ্তন কৰিবলৈ তথা উদ্ভাৱনক উন্নীত কৰাৰ লক্ষ্যৰে 5G বুদ্ধিমত্তা সম্পন্ন গাঁও আৰু কোৱাণ্টাম এনক্রিপচন এলগ’ৰিডিমৰ বাবে প্ৰস্তাৱ গ্ৰহণ কৰিছে। টেলিকমিউনিকেচনৰ সামগ্ৰী আৰু সমাধানৰ প্রযুক্তি ডিজাইন, বিকাশ আৰু বাণিজ্যিকীকৰণৰ সৈতে জড়িত উদ্যোগ, অতি ক্ষুদ্র, ক্ষুদ্ৰ আৰু মজলীয়া উদ্যোগ, ষ্টার্টআপ, শৈক্ষিক প্ৰতিষ্ঠান তথা চৰকাৰী বিভাগসমূহক ইয়াত অংশগ্ৰহণৰ বাবে আমন্ত্ৰণ জনোৱা হৈছে। 5G বুদ্ধিমত্তা সম্পন্ন গাঁও পদক্ষেপে গ্রাম্য সমাজক উন্নীত কৰিবলৈ 5G প্রযুক্তিৰ পৰিৱৰ্তনশীল শক্তিক ব্যৱহাৰ কৰি নায্য প্রযুক্তিগত উন্নতিৰ প্রয়োজনীয়তাৰ ওপৰত গুৰুত্ব আৰোপ কৰিছে৷ ইয়াৰ লক্ষ্য হৈছে–কৃষি, শিক্ষা, স্বাস্থ্য সেৱা, শাসন আৰু বহন ক্ষমতাৰ দৰে জটিল স্তম্ভসমূহক চিহ্নিত কৰা হয়। ভাৰত–নিৰ্দিষ্ট কোৱাণ্টাম এনক্রিপচন এলগ’ৰিডিমে কোৱাণ্টাম মেকানিক্সৰ সহায় লৈ ডিজিটেল যোগাযোগ চেনেলসমূহ সুৰক্ষিত কৰাৰ ক্ষেত্ৰত এটা অত্যাধুনিক পদ্ধতিক প্রতিনিধিত্ব কৰিব।