শেহতীয়া বানত বিভিন্ন সমস্যাৰ সন্মুখীন হোৱা পশুপালক সকলক সকাহ প্ৰদানৰ উদ্দেশ্যে ৰাজ্যৰ ভিন্ন প্ৰান্তত বিনামূলীয়া পশু চিকিৎসা আৰু টীকাকৰণ অভিযান অনুষ্ঠিত কৰা হৈছে। বোকাখাট সমষ্টিৰ অন্তৰ্গত ডিফলু পথাৰত কালি গোলাঘাট জিলা পশুপালন আৰু পশু চিকৎসা বিভাগে বিনামূলীয়া পশু টীকাকৰণ তথা চিকিৎসা প্ৰদান কাৰ্যসূচীৰ আৰম্ভণি কৰে। কৃষিমন্ত্ৰী অতুল বৰাই কাৰ্যসূচীত অংশ লৈ স্থানীয় পশুপালক সকলৰ মাজত প্রয়োজনীয় দৰৱ তথা খাদ্য আদি বিতৰণ কৰে। এই অভিযানত গুৱাহাটীৰ খানাপাৰাত থকা পশু চিকিৎসা মহাবিদ্যালয়ৰ দ্বাৰা বানপীড়িত অঞ্চলৰ পশুপালক সকলৰ বাবে বিনামূলীয়াকৈ পশু খাদ্য বিতৰণৰো ব্যৱস্থা কৰা হয়।