গুৱাহাটীক এখন স্বচ্ছ আৰু সেউজ মহানগৰ হিচাপে গঢ়ি তোলাৰ বাবে গুৱাহাটী পৌৰ নিগমে প্ৰথমবাৰৰ বাবে তিনিমহীয়া স্বচ্ছতা অভিযান কাৰ্যসূচী অব্যাহত ৰাখিছে। স্বচ্ছ ঘৰ, স্বচ্ছ পদূলি, স্বচ্ছ গুৱাহাটীৰ সংকল্প লৈ আৰম্ভ কৰা এই অভিযান কাৰ্যসূচীত গুৱাহাটী পৌৰ নিগমে ৬টা সংমণ্ডলত ৬০০ ৰো অধিক ছাফাই কৰ্মীৰ সহযোগত অভিযান চলাইছে। বিগত এটা সপ্তাহত মহানগৰীৰ ৱাৰ্ডে ৱাৰ্ডে ছাফাইকর্মীসকলে পথ-উপপথ, নলা-নৰ্দমাৰ লগতে বিভিন্ন স্থানত লেতেৰা হৈ থকা দেৱালসমূহ পৰিষ্কাৰ কৰিছে।