গুৱাহাটী আৰ্টিষ্ট গীল্ডৰ ৪৮ সংখ্যক প্রতিষ্ঠা দিৱস কালি দিনজোৰা কাৰ্যসূচীৰে উদযাপন কৰা হয়। পুৱা গীল্ডৰ সভাপতি বিৰেন সিংহই পতাকা উত্তোলনেৰে কাৰ্যসূচীৰ আৰম্ভণি কৰে। প্ৰতিষ্ঠা দিৱস উপলক্ষে প্রতিষ্ঠানটোৱে বিশিষ্ট অভিনেতা তথা পৰিচালক কুলদা কুমাৰ ভট্টাচাৰ্যক বিশেষভাৱে সম্বৰ্ধনা জ্ঞাপন কৰে। বিয়লি দৈনিক অসম কাকতৰ সম্পাদক ড০ হিতেশ ডেকাই বন্তি প্ৰজ্বলন কৰাৰ পিছত আৰম্ভ হোৱা মূল কাৰ্যসূচীৰ ভিতৰত মুকলি সভা, চিত্ৰ প্ৰদৰ্শনীৰ দ্বাৰ উন্মোচন, মুখপত্ৰ চিহ্নৰ উন্মোচন আৰু সাংস্কৃতিক অনুষ্ঠানৰ লগতে তপন বৰদলৈ সোঁৱৰণি চিত্ৰাংকণ প্রতিযোগিতাৰ বঁটাসমূহো প্ৰদান কৰা হয়৷