শংকৰদেৱ শিক্ষা আৰু গৱেষণা ন্যাসৰ উদ্যোগত আজিৰে পৰা ১৫ ডিচেম্বৰলৈ গুৱাহাটীৰ শ্ৰীমন্ত শংকৰদেৱ কলাক্ষেত্ৰত প্ৰাগজ্যোতিষপুৰ সাহিত্য উৎসৱৰ আয়োজন কৰা হৈছে। এই সাহিত্য উৎসৱত আলোচনা চক্র, লেখক সাহিত্যিকৰ বাৰ্তালাপ, কর্মশালা, প্রদর্শনী, বহুভাষিক কবি সন্মিলনকে ধৰি সাংস্কৃতিক কাৰ্যসূচী অনুষ্ঠিত হ’ব। অনুষ্ঠানত অসম মহিলা বিশ্ববিদ্যালয়ৰ প্ৰাক্তন উপাচার্য, বিশিষ্ট সাহিত্যিক ড° মালিনী গোস্বামী মুখ্য অতিথি হিচাপে উপস্থিত থাকিব। লেখক, গৱেষক অৰূপ কুমাৰ দত্তৰ সঞ্চালনাত অসম বৈচিত্র্যময় সমাজৰ ব্ৰহ্মপুত্ৰ নদীৰ ভূমিকা শীৰ্ষক এটি কথোপকথন অনুষ্ঠানৰ আয়োজন কৰা হৈছে।