ৰাজ্যৰ গৃহ আৰু নগৰ পৰিক্ৰমা তথা জলসম্পদ মন্ত্রী অশোক সিংহালে আজি তেওঁৰ অধীনৰ বিভাগত ৰূপায়ণ হৈ থকা কেইবাটাও প্ৰকল্পৰ অগ্ৰগতি পৰ্যালোচনা কৰে। গুৱাহাটী জনতা ভৱনত অনুষ্ঠিত এই পর্যালোচনা বৈঠকত মন্ত্ৰীগৰাকীয়ে গুৱাহাটী জলবোর্ড, প্রধানমন্ত্রী আবাস যোজনা-নগৰাঞ্চল আৰু গৃহ তথা নগৰ পৰিক্ৰমা বিভাগৰ উমৈহতীয়া প’ৰ্টেল সন্দৰ্ভত আলোচনা কৰে। আলোচনাৰ সময়ত মন্ত্ৰীগৰাকীয়ে নগৰাঞ্চলত পানীৰ সুবিধা, বঞ্চতসকলক গৃহ আঁচনিৰ ক্ষেত্ৰত অগ্ৰাধিকাৰ প্ৰদান, ডিজিটেল পদক্ষেপসমূহ তথা প্ৰশাসনীয় দিশসমূহৰ উত্তৰণৰ ক্ষেত্ৰত গুৰুত্ব আৰোপ কৰে। পৰ্যালোচনা বৈঠকত সংশ্লিষ্ট বিভাগসমূহৰ জ্যেষ্ঠ বিষয়াসকলৰ লগতে কৰ্মচাৰীসকলে অংশগ্ৰহণ কৰে।