ভাৰতীয় অলিম্পিক সংস্থাই অলিম্পিকত চাৰিবাৰকৈ অংশগ্ৰহণ কৰা তথা ২০১২ চনৰ অলিম্পিক ক্ৰীড়া মহোৎসৱত পুৰুষৰ ১০ মিটাৰ এয়াৰ ৰাইফল শিতানত ব্ৰঞ্জৰ পদক অৰ্জন কৰা গগন নাৰঙক ২৬ জুলাইৰ পৰা হ’বলগীয়া চলিত বৰ্ষৰ পেৰিছ অলিম্পিকত ভাগ ল’বলগীয়া খেলুৱৈ দলৰ ছেফ দ্যা মিছন হিচাপে ঘোষণা কৰিছে। নাৰঙে এম চি মেৰিকমৰ ঠাইত এই দায়িত্ব গ্ৰহণ কৰিব । অলিম্পিক সংস্থাৰ অধ্যক্ষ ড° পি টি উষাই কালি কয় যে মেকিমে পদ ত্যাগ কৰাৰ পাছত উপ-ছেফ দ্যা মিচন নাৰঙক এই দায়িত্ব অর্পণ কৰা হয়। ড° উষাই লগতে দুবাৰকৈ অলিম্পিকত পদক অৰ্জন কৰা একমাত্ৰ ভাৰতীয় মহিলা খেলুৱৈ পি ভি সিন্ধুৱে টেবল টেনিছ তাৰকা অশান্ত শৰৎ কমলৰ সৈতে ভাৰতীয় দলৰ পতাকা বহন কৰিব বুলি ঘোষণা কৰে। ড° উষাই প্রতিযোগিতাত ভাৰতীয় খেলুৱৈসকলে দেশৰ বাবে সৰ্বশ্ৰেষ্ঠ প্ৰদৰ্শন উজাৰি দিবলৈ সম্পূৰ্ণৰূপে সাজু বুলি ব্যক্ত কৰে। ছবাৰকৈ বিশ্ব চেম্পিয়নৰ খিতাপ দখল কৰা মেৰিকমে যোৱা এপ্ৰিলত ব্যক্তিগত কাৰণত ছেফ দ্যা মিছনৰ পদ ত্যাগ কৰিছিল ৷