কেন্দ্ৰীয় তথ্য আৰু সম্প্ৰচাৰ, তথ্য-প্ৰযুক্তি আৰু ৰে’ল মন্ত্ৰী অশ্বিনী বৈষ্ণৱে আজি ৰাজস্থান ভ্রমণ কৰিব। মন্ত্ৰীগৰাকীয়ে আজি জয়পুৰত জিলাখনৰ ভাৰতীয় জনতা পাৰ্টিৰ কৰ্মীসকলৰ সৈতে মত বিনিময় কৰিব। ইয়াৰ পাছত তেওঁ দলৰ ৰাজ্যিক মহিলা মৰ্চাৰ উদ্যোগত আয়োজিত সদস্যভর্তি অভিযানত অংশগ্রহণ কৰিব। মন্ত্ৰীগৰাকীয়ে ভ্ৰমণকালত জয়পুৰৰ গান্ধীনগৰ ৰেলৱে ষ্টেচনৰ পুনৰ উন্নয়নৰ কামো পৰিদৰ্শন কৰিব। তেওঁ জয়পুৰৰ পৰা ছাৱাই মাধোপুৰ আৰু সুমেৰগঞ্জ মণ্ডিৰ পৰা দিল্লীলৈ থকা ৰে’লপথৰ পৰীক্ষণমূলক যাত্ৰাত অংশ ল’ব। তেওঁ ছাৱাই মাধোপুৰৰ পৰা সুমেৰগঞ্জ মণ্ডিলৈ কৰা যাত্ৰাৰ সময়চোৱাত কৱচ, অৰ্থাৎ ৰে’লপথ সুৰক্ষা ব্যৱস্থাৰ পৰিদৰ্শন কৰিব।