কেন্দ্ৰীয় খাদ্য প্ৰসংস্কৰণ উদ্যোগ মন্ত্ৰ্যালয়ৰ ৰাজ্যমন্ত্ৰী ৰৱনীত সিঙে আজি তামুলপুৰ জিলাৰ কেইবাটাও ক্ষুদ্র উদ্যোগ পৰিদৰ্শন কৰি আত্মসহায়ক গোটৰ সৈতে মত বিনিময় কৰে। মন্ত্ৰীগৰাকীয়ে ক্ষুদ্র উদ্যোগ উদ্যোগীকৰণৰ ক্ষেত্ৰত চৰকাৰৰ তৰফৰ পৰা পূর্ণ সহযোগিতা আগবঢ়াব বুলি আশ্বাস প্ৰদান কৰে। মন্ত্ৰীগৰাকীয়ে মৌ-মাখি পালন আৰু প্ৰক্ৰিয়াকৰণ, ধানবনা কল, সৰিয়হ তেলৰ কল আদি পৰিদৰ্শন কৰি ক্ষুদ্ৰ উদ্যোগসমূহৰ পৰা উৎপাদিত সামগ্ৰীসমূহ দেশৰ বিভিন্ন প্ৰান্তলৈ ৰপ্তানি কৰাৰ ওপৰতো গুৰুত্ব আৰোপ কৰে৷ আজিৰ এই পৰিদৰ্শন কালত কেন্দ্ৰীয় মন্ত্ৰীগৰাকীক বিটিআৰৰ মনোনীত সদস্য হেমন্ত কুমাৰ ৰাভা আৰু তামুলপুৰ জিলাৰ আয়ুক্ত পংকজ চক্ৰৱৰ্তীয়ে সংগ দিয়ে।