কামৰূপৰ ঐতিহাসিক পুষ্পভদ্রা জান পৰিষ্কাৰ কৰাৰ বাবে মুখ্যমন্ত্রী ড০ হিমন্ত বিশ্ব শৰ্মাই বিশেষ পদক্ষেপ গ্ৰহণ কৰিছে। জিলাখনৰ চাংসাৰি অঞ্চলৰ বামুণীগাঁও, জালাহ, বলাইবিল, ভাঙুৰিছোৱা আদি গাঁওসমূহ কৃত্রিম বানৰ পৰা মুক্ত কৰিবলৈ প্ৰায় ৬ কিলোমিটাৰ দৈৰ্ঘ্যৰ জানটো পৰিষ্কাৰকৰণৰ কাম হাতত লোৱা হৈছে। এই পদক্ষেপ বৃহত্তৰ চাংসাৰি অঞ্চলৰ কৃত্রিম বানপানী নিয়ন্ত্ৰণৰ ক্ষেত্ৰত বিশেষভাৱে কাৰ্যকৰী হ’ব বুলি অঞ্চলটোৰ ৰাইজে আশা প্রকাশ কৰিছে।