ডাউনলোড
মোবাইল এপ

android apple
signal

কামপুৰত কপিলী নৈৰ ওপৰত নিৰ্মাণ কৰা দলঙৰ শুভ উদ্বোধন মুখ্যমন্ত্ৰী হিমন্ত বিশ্ব শৰ্মাৰ

● মুখ্যমন্ত্রী ড০ হিমন্ত বিশ্ব শৰ্মাই আজি নগাঁৱৰ কামপুৰত কপিলী নৈৰ ওপৰত নিৰ্মাণ কৰা দলঙৰ শুভ উদ্বোধন কৰে। ২৪ কোটি টকা ব্যয়সাপেক্ষে নিৰ্মাণ কৰা দলংখন উন্মোচন কৰাৰ লগতে মুখ্যমন্ত্ৰী ড০ শৰ্মাই কামপুৰ ৰে’লৱে উৰণ সেতুও মুকলি কৰে।

আনহাতে মুখ্যমন্ত্ৰীগৰাকীয়ে নগাঁও জিলাৰ পুৰণিগুডামৰ ঐতিহ্যমণ্ডিত বাপুজী ভৱনৰ নৱনিৰ্মিত ভৱনৰ দ্বাৰ মুকলি কৰে। এই অনুষ্ঠানটোৰ আন্তঃগাঁথনি উন্নয়নৰ অৱশিষ্ট কাম সম্পূৰ্ণ কৰিবলৈ ৰাজ্য চৰকাৰে ১ কোটি টকা আগবঢ়াব বুলি মুখ্যমন্ত্ৰীগৰাকীযে ঘোষণা কৰে। মুখ্যমন্ত্ৰীগৰাকীয়ে নগাঁও ভ্ৰমণৰ সময়ছোৱাত আন কেইবাটাও প্ৰকল্পৰ আধাৰশিলা স্থাপন কৰাৰ লগতে কামপুৰৰ ক্ৰীড়া সন্থালৈ ১০ কোটি টকা অনুদান আগবঢ়ায়।

অধিক পঢ়ক

সকলো চাওক