কাজিৰঙা ৰাষ্ট্ৰীয় উদ্যানত প্ৰতি বছৰৰ দৰে এইবাৰো নিয়মীয়া নিয়ন্ত্ৰিত বনভূমি দাহ প্ৰক্ৰিয়া আৰম্ভ হৈছে। উদ্যানখনত প্ৰতি বছৰে জানুৱাৰী-ফেব্ৰুৱাৰী মাহত কন্ট্রোল্ড বার্ণিং অর্থাৎ নিয়ন্ত্রিতভাৱে বনভূমিৰ কিছু অংশ দাহ কৰা হয়। তৃণভোজী বন্যপ্ৰাণীৰ বাবে খাদ্য হিচাপে নতুনকৈ গজি উঠা কোমল ঘাঁহ-বনৰ প্ৰয়োজন হোৱা হেতুকে ওখ আৰু খাদ্যৰ অনুপযোগী ঘাঁহ-বনসমূহ উদ্যান কর্তৃপক্ষই বিশেষ পদ্ধতিৰে জ্বলাই দিয়াৰ ব্যৱস্থা কৰে। বন্যপ্ৰাণীসমূহৰ অসুবিধা নোহোৱাকৈ প্ৰতি বছৰে উদ্যানখনৰ অংশবিশেষত এনেদৰে দাহ কাৰ্য কৰা হয়।