বিজেপিৰ জ্যেষ্ঠ নেতা তথা প্ৰধানমন্ত্ৰী নৰেন্দ্ৰ মোদীয়ে কাইলৈৰ পৰা দুদিনীয়া ভ্রমণসূচী লৈ গুজৰাটলৈ যাব। শ্রীমোদীয়ে এই ভ্রমণসূচীৰ কালছোৱাত গুজৰাটৰ ১১টা লোকসভা সমষ্টি সামৰি ৬খন ৰাজহুৱা সভাত ভাষণ দিব। ইফালে কাইলৈ গুজৰাটৰ প্ৰতিষ্ঠা দিৱস উপলক্ষে প্রধানমন্ত্ৰীগৰাকী বানাছকান্থাৰ ডিছা আৰু ছাবৰকান্থাৰ হিম্মতনগৰত অনুষ্ঠিত হ’বলগীয়া দুখন ৰাজহুৱা সভাত ভাষণ দিব। ইয়াৰ উপৰি শ্ৰীমোদীয়ে পৰহিলৈ আনন্দ, খেৰা, সুৰেন্দ্ৰনগৰ, ৰাজকোট, ভাৱনগৰ, জুনাগড়, পোৰবন্দৰ, আমৰেলি আৰু জামনগৰ সমষ্টিৰ হৈ নিৰ্বাচনী প্ৰচাৰ সভাত অংশগ্ৰহণ কৰিব গুজৰাটৰ ২৬টা লোকসভা সমষ্টিৰ ভিতৰত ২৫টাত অহা ৭ মে’ত ভোটগ্রহণ অনুষ্ঠিত হ’ব। উল্লেখযোগ্য যে বিজেপিৰ মুকেশ দালাল চুৰাটৰ পৰা বিনা প্রতিদ্বন্দ্বিতাৰে ইতিমধ্যে নিৰ্বাচিত হৈছে।