অসম ক্রিকেট সন্থাৰ উদ্যোগত কাইলৈৰ পৰা কনকলতা বৰুৱা আন্তঃজিলা ক্রিকেট প্রতিযোগিতা অনুষ্ঠিত হ’ব। ৰাজ্যৰ কেইবাটাও দলে অংশ ল’বলগীয়া এই প্ৰতিযোগিতাত দলসমূহক ৭টা ক্লাষ্টাৰত ভাগ কৰি বিভিন্ন স্থানত খেলসমূহ খেলোৱা হ’ব। গ্রুপ-এৰ খেলসমূহৰ বাহিৰে বাকী খেলসমূহ কাইলৈ আৰম্ভ হ’ব। কৰিমগঞ্জ, হোজাই, শিলচৰ আৰু হাইলাকান্দি জিলাৰ অংশগ্রহণেৰে কৰিমগঞ্জত হ’বলগীয়া গ্ৰুপ-এৰ খেল ২৪ মে’ত আৰম্ভ হ’ব। আনহাতে গ্রুপ-বিৰ খেল গোলাঘাট, ডিব্ৰুগড়, চৰাইদেও, শিৱসাগৰ আৰু নাহৰকটীয়াৰ অংশগ্ৰহণেৰে গোলাঘাটত খেলোৱা হ’ব। বৰপেটাত হ’বলগীয়া গ্ৰুপ-চিৰ খেলত নলবাৰী, বৰপেটা, তেজপুৰ, নগাঁও আৰু বঙাইগাঁৱত হ’বলগীয়া গ্রুপ-ডিৰ খেলত বঙাইগাঁও, গোৱালপাৰা, ধুবুৰী আৰু বিশ্বনাথ জিলাই অংশগ্ৰহণ কৰিব। একেদৰে মঙলদৈত লখিমপুৰ, তিনিচুকীয়া আৰু ধেমাজিৰ গ্ৰুপ-ইৰ খেল, গুৱাহাটী, ৰঙিয়া, উত্তৰ-পূব সীমান্ত ৰে’লৱে আৰু বিলাসীপাৰাৰ অংশগ্রহণেৰে গ্ৰুপ-এফৰ খেল আৰু মৰিগাওঁ, বোকাখাট, কোকৰাঝাৰ আৰু যোৰহাটৰ গ্ৰুপ-জিৰ খেল খেলোৱা হ’ব।