প্রধানমন্ত্ৰী নৰেন্দ্ৰ মোদীৰ উপস্থিতিত অহা ২৪ ফেব্ৰুৱাৰীত গুৱাহাটীৰ সৰুসজাই ষ্টেডিয়ামত হ’বলগীয়া এডভান্টেজ আছাম সন্মিলনত ৮ হাজাৰ নৃত্য শিল্পীয়ে ঝুমুৰ নৃত্য পৰিৱেশন কৰিব। মুখ্যমন্ত্ৰী ড০ হিমন্ত বিশ্ব শর্মাই কালি সামাজিক মাধ্যমযোগে এই কথা প্ৰকাশ কৰি লগতে কয়, যে এডভান্টেজ আছাম বিনিয়োগ সন্মিলন আৰু আন্তঃগাঁথনি ২৫ আৰু ২৬ ফেব্ৰুৱাৰীত ঘৰুৱা তথা বিদেশ বিনিয়োগকাৰীসকলৰ উপস্থিতিত অনুষ্ঠিত হ’ব। অসমৰ বৰ্তমানৰ পৰিৱৰ্তিত পৰিৱেশ তথা দৃশ্যপট তেওঁলোকৰ আগত উপস্থাপন কৰাৰ লক্ষ্য লোৱা বুলি মুখ্যমন্ত্ৰীয়ে উল্লেখ কৰে।