আম আদমী পাৰ্টীৰ বিধায়কসকলে আজি দিল্লী বিধানসভাৰ বাহিৰত তেওঁলোকক সদনৰ চৌহদৰ ভিতৰত প্ৰৱেশ কৰাত বাধা দিয়াৰ বাবে বিক্ষোভ প্ৰদৰ্শন কৰে। এই কার্যক অগণতান্ত্রিক বুলি আখ্যা দি বিৰোধী দলপতি আতিশীয়ে সংবাদ মাধ্যমৰ আগত কয়, যে আপৰ বিধায়কসকলক সদনৰ পৰা নিলম্বন কৰাৰ পৰিপ্ৰেক্ষিতত তেওঁলোকক বিধানসভাৰ চৌহদত প্ৰৱেশ কৰাত অনুমতি দিয়া হোৱা নাই।
ইপিনে, মন্ত্রী কপিল মিশ্রাই কয়, যে আপৰ বিধায়কসকলক উপ-ৰাজ্যপালে বিধানসভাত ভাষণ দি থকাৰ সময়ত কৰা দুৰ্ব্যৱহাৰৰ বাবে নিলম্বিত কৰা হৈছে। শ্ৰী মিশ্ৰাই সাংবাদিকৰ আগত কয় যে আইন অনুসৰি বিধানসভাৰ কাম-কাজ চলিব। বিজেপিৰ বিধায়ক সতীশ উপাধ্যায়েও আইন অনুসৰি বিধানসভাৰ কাম-কাজ চলিব বুলি উল্লেখ কৰি কয় যে বিৰোধী সদস্যসকলে এনেদৰে সদনৰ কাম-কাজত ব্যাঘাত জন্মালে অধ্যক্ষই তেওঁলোকৰ বিৰুদ্ধে সিদ্ধান্ত ল’বলৈ পুনৰ বাধ্য হ’ব।