ইউ এছ অপেন টেনিছ প্রতিযোগিতা ২০২৪ আজি নিউয়ৰ্কত আৰম্ভ হ’ব। এইবাৰৰ প্ৰতিযোগিতাত সুমিত নাগল আৰু ৰোহন বোপন্নাই সকলোৰে দৃষ্টি আকৰ্ষণ কৰিব। সুমিত নাগল ২০১৯ চনৰ পাছৰ পৰা চাৰিওখন গ্ৰেণ্ডশ্লাম প্রতিযোগিতাৰ একক শাখাত প্ৰতিদ্বন্দ্বিতা কৰা প্ৰথমগৰাকী ভাৰতীয় খেলুৱৈ হিচাপে বিবেচিত হ’ব। বিশ্ব টেনিছ ৰেংকিঙৰ ৫২ সংখ্যক স্থানত থকা সুমিত নাগল এইবছৰ ফ্ৰেন্স অপেন আৰু উইম্বলডন চেম্পিয়নশ্বিপ প্ৰথম ৰাউণ্ডৰ পৰা বাহিৰ হোৱাৰ পূৰ্বে অষ্ট্ৰেলিয়ান অপেনত দ্বিতীয় ৰাউণ্ডলৈ উন্নীত হৈছিল। আনহাতে দুবাৰকৈ গ্ৰেণ্ডস্লাম চেম্পিয়ন হোৱা ৰোহন বোপন্না আৰু তেওঁৰ অষ্ট্ৰেলিয়াৰ সহযোগী মেথিউ ইবডিন স্পেইনৰ মাৰ্ছেল গ্ৰাণোলাৰ্ছ আৰু আৰ্জেণ্টিনাৰ হ’ৰাচীঅ’ জেবাল’ছৰ পাছত পুৰুষৰ ডাবলছত দ্বিতীয় স্থানত আছে।