আজি শিশু দিৱস। দেশৰ প্ৰথম প্ৰধানমন্ত্রী পণ্ডিত জৱহৰলাল নেহৰুৰ জন্মদিনটো প্ৰতিবছৰে শিশু দিৱস হিচাপে পালন কৰা হয়। এই দিৱসৰ লগত সংগতি ৰাখি ৰাজ্যৰ অন্যান্য ঠাইৰ লগতে আজি গোৱালপাৰা জিলাতো অনুষ্ঠান-প্ৰতিষ্ঠান আৰু বিদ্যালয়ত সমূহত ছাত্ৰ-ছাত্ৰীসকলৰ মাজত খেল-ধেমালিৰ লগতে বিভিন্ন কাৰ্যসূচী ৰূপায়ন কৰা হ’ব। আনহাতে শিশু দিৱসৰ লগত সংগতি ৰাখি অসম বুক অৱ ৰেকৰ্ডছৰ ব্যৱস্থাপনাত আজি গোৱালপাৰা মহাবিদ্যালয়ৰ খেলপথাৰত ১৫৩গৰাকী ছাত্ৰ-ছাত্ৰীৰ সহযোগত ১৫০ ফুট দৈৰ্ঘ্যৰ চিত্ৰপটত অসমৰ লোক-সংস্কৃতি বাদ্যযন্ত্ৰ আৰু অসমৰ জনগোষ্ঠীয় লোকনৃত্যৰ বিষয়ত চিত্র অংকনৰ আয়োজন কৰা হৈছে।