নেপালৰ কে পি শৰ্মা অলি চৰকাৰে আজি নিম্ন সদন প্রতিনিধি সভাত আস্থাৰ ভোট বিচাৰিব। নেপালৰ সংবিধান অনুসৰি নৱনিযুক্ত প্রধানমন্ত্ৰীয়ে নিযুক্তিৰ ৩০ দিনৰ ভিতৰত সংসদত আস্থা প্ৰমাণ কৰিব লাগে। ৭২ বছৰীয়া প্রবীণ কমিউনিষ্ট নেতা কে পি শৰ্মা অ’লিয়ে সোমবাৰে চতুৰ্থবাৰৰ বাবে দেশখনৰ প্ৰধানমন্ত্ৰী হিচাপে শপত লৈছিল। ৰাষ্ট্ৰপতি ৰামচন্দ্ৰ প’দেলে দেশখনৰ সৰ্ববৃহৎ কমিউনিষ্ট পার্টি চি পি এন- ইউ এম এলৰ অধ্যক্ষগৰাকীক নেপালী কংগ্ৰেছৰ সৈতে লগলাগি মিত্ৰজোঁট চৰকাৰ পৰিচালনাৰ দায়িত্ব অর্পণ কৰিছে৷ শ্রীঅ লিয়ে পুষ্পকমল দাহাল চৰকাৰ পতনৰ পাছত নতুন গঠন কৰিছে। ২৭৫ জনীয়া প্ৰতিনিধি সভাত সংখ্যাগৰিষ্ঠতা প্ৰমাণৰ বাবে ১৩৮ গৰাকী সদস্যৰ সমর্থনৰ প্ৰয়োজন। নিম্ন সদনত নেপালী কংগ্ৰেছ আৰু চি পি এন- ইউ এম এলৰ ১৬৬ গৰাকী সদস্য আছে।