আজি আন্তঃৰাষ্ট্ৰীয় ব্যাঘ্ৰ দিৱস। বাঘৰ প্ৰাকৃতিক বাসস্থান সুৰক্ষিত কৰাৰ বাবে এটা গোলকীয় প্ৰণালী গঢ়ি তোলা তথা বাঘ সংৰক্ষণৰ ক্ষেত্ৰত সজাগতা বৃদ্ধি আৰু সমৰ্থন আগবঢ়োৱাৰ বিষয়টোৰ প্ৰচাৰৰ লক্ষ্যৰে প্ৰতি বছৰে আজিৰ দিনটো আন্তঃৰাষ্ট্ৰীয় ব্যাঘ্ৰ দিৱস হিচাপে পালন কৰা হয়। বিশ্ব বন্যপ্রাণী নিধিৰ তথ্য অনুসৰি ভাৰতত বৰ্তমান বাঘৰ সংখ্যা স্থিৰ হৈ আছে অথবা বৃদ্ধি পাইছে। বিশ্বৰ মুঠ বাঘৰ ৮০ শতাংশই পোৱা যায় ভাৰতত। উল্লেখযোগ্য যে, প্রজেক্ট টাইগাৰৰ অংশ হিচাপে ১৯৭৩ চনত ভাৰতৰ ব্যাঘ্র অভয়াৰণ্য স্থাপন কৰা হৈছিল ৷