পঞ্চম বার্ষিক ঢকুৱাখনা গ্রন্থমেলা আজিৰে পৰা ৬ দিনীয়া কাৰ্যসূচীৰে ২৩ ডিচেম্বৰলৈ অনুষ্ঠিত হ’ব। গ্ৰন্থমেলাৰ সৈতে সংগতি ৰাখি গ্ৰন্থ উন্মোচনৰ লগতে চিত্রাংকন, কবিতা আবৃত্তি, কুইজ আদি বিভিন্ন প্রতিযোগিতাৰ আয়োজন কৰা হৈছে। এই গ্ৰন্থমেলাত কেৰিয়াৰ সজাগতা অনুষ্ঠান, চিত্ৰ আৰু ভাস্কর্য শিল্পীৰ সৈতে আলাপ, সংবাদ কৰ্মীৰ সৈতে আলাপ আদি অনুষ্ঠানৰো দিহা কৰা হৈছে বুলি আয়োজকে জানিবলৈ দিছে। আজি পুৱা ১০ বজাত উদযাপন সমিতিৰ সভাপতি ড০ গিৰিণ গগৈয়ে পতাকা উত্তোলনেৰে গ্ৰন্থমেলাৰ কাৰ্যসূচীৰ পাতনি মেলিব। ইয়াৰ পাছতে লখিমপুৰৰ জিলা আয়ুক্তই গ্রন্থমেলাৰ দ্বাৰ আনুষ্ঠানিকভাৱে মুকলি কৰিব।