অষ্টাদশ মুম্বাই আন্তর্জাতিক চলচ্চিত্ৰ মহোৎসৱ আজিৰে পৰা অনুষ্ঠিত হ’ব। মহানগৰখনৰ পেড্ডাৰ ৰোডত থকা ফিল্ম ডিভিজনৰ চৌহদত বিয়লি ৪ বজাত উদ্বোধনী অনুষ্ঠানৰ আয়োজন কৰা হৈছে। দেশৰ ভন্নি প্ৰান্তৰ দৰ্শকৰ কাষলৈ এই মহোৎসৱক লৈ যোৱাৰ উদ্দেশ্যে দিল্লী, কলকাতা, পুনে আৰু চেন্নাইত সমান্তৰালভাৱে চিনেমা প্ৰদৰ্শনৰ ব্যৱস্থা কৰা হৈছে। এই চাৰিখন মহানগৰতে ৰে’ড কার্পেটৰো ব্যৱস্থা থাকিব। আমাৰ সংবাদদাতাই জনোৱা অনুসৰি নেচনেল জিঅ’গ্ৰাফিকৰ তথ্যচত্রি বিল্লী এণ্ড মল্লি : এন অ’টাৰ লাভষ্টৰী এইবাৰৰ মহোৎসৱত প্ৰদৰ্শন কৰা হ’ব। মহোৎসৱৰ উদ্বোধনী চিনেমাখন দিল্লী, কলকাতা, চেন্নাই আৰু পুনেতো প্ৰদৰ্শন কৰা হ’ব। প্ৰতিযোগিতা শিতানত অভিলেখ সংখ্যক এহেজাৰ ১৮ খন চিনেমাই প্রতিদ্বন্দ্বিতা কৰিব। আন্তর্জাতিক আৰু ৰাষ্ট্ৰীয় প্ৰতিযোগিতা শিতানত তিনিজনীয়া নির্বাচন কমিটিয়ে ১১৮ খন চিনেমাক নির্বাচন কৰিছে। এইবাৰৰ মহোৎসৱত ৫৯ খন দেশৰ ৬১টা ভাষাৰ ৩১৪ খন চিনেমা প্রদর্শিত হ’ব।