আই পি এল ক্রিকেট প্রতিযোগিতাত আজি মুম্বাইৰ ৱাংখেড়ে ষ্টেডিয়ামত হ’বলগীয়া এখন খেলত মুম্বাই ইণ্ডিয়ানছ, কলকাতা নাইট ৰাইডাৰ্ছৰ বিৰুদ্ধে অৱতীর্ণ হ’ব। খেলখন সন্ধিয়া চাৰে ৭ বজাত আৰম্ভ হ’ব।
যোৱানিশা হায়দৰাবাদত অনুষ্ঠিত এখন ৰোমাঞ্চকৰ খেলত ছানৰাইডাৰ্ছ হায়দৰাবাদে ৰাজস্থান ৰয়েলছক ১ ৰাণত পৰাস্ত কৰে। ৰাজস্থান ৰয়েলছে ২০২ ৰাণৰ বিজয় লক্ষ্যৰে খেল আৰম্ভ কৰি নিৰ্ধাৰিত ২০ অভাৰত ৭টা উইকেট হেৰুৱাই ২০০ ৰাণহে কৰিবলৈ সমর্থ হয়। দলটোৰ হৈ ৰিয়ান পৰাগে ৪৯ টা বলত ৭৭ আৰু যশস্বী জয়ছৱালে ৪০টা বলত ৬৭ ৰাণৰ বৰঙণি আগবঢ়ায়। হায়দৰাবাদৰ ভূৱনেশ্বৰ কুমাৰে তিনিটা আৰু পেট কামিনছ আৰু টি নটৰাজনে দুটাকৈ উইকেট দখল কৰে। ইয়াৰ পূৰ্বে ছানৰাইডাৰ্ছ হায়দৰাবাদে টছত জিকি প্ৰথমে বেট ধৰাৰ সিদ্ধান্ত গ্ৰহণ কৰি ২০ অভাৰত তিনিটা উইকেটৰ বিনিময়ত ২০১ ৰাণ কৰে। কালিৰ খেলৰ পাছত ৰাজস্থান ৰয়েলছ ১৬ পইণ্টেৰে পইন্ট তালিকাৰ শীর্ষস্থানত থকাৰ বিপৰীতে কলকাতা নাইট ৰাইডাৰ্ছ দ্বিতীয়, লক্ষ্ণৌ ছুপাৰ জায়েন্টছ তৃতীয় আৰু ছানৰাইডাৰ্ছ হায়দৰাবাদ চতুর্থ স্থান আছে।