ডাউনলোড
মোবাইল এপ

android apple
signal

March 24, 2025 11:26 AM | IPL

printer

আই পি এলত কালি চেন্নাই ছুপাৰ কিংছৰ হাতত মুম্বাই ইণ্ডিয়ানছ পৰাস্ত

চেন্নাইৰ এম এ চিদাম্বৰম ষ্টেডিয়ামত কালি অনুষ্ঠিত আই পি এল টি-২০ ক্রিকেট প্রতিযোগিতাৰ এখন খেলত চেন্নাই ছুপাৰ কিংছে মুম্বাই ইণ্ডিয়ানছক ৪ উইকেটত পৰাস্ত কৰে। প্ৰথমে বেট ধৰি মুম্বাই ইণ্ডিয়ানছে নিৰ্ধাৰিত ২০ অভাৰত ৯টা উইকেটৰ বিনিময়ত ১৫৫ ৰাণ কৰে। প্ৰত্যুত্তৰত চেন্নাই ছুপাৰ কিংছে ১৯ অভাৰ আৰু এটা বলতে নিৰ্ধাৰিত লক্ষ্যত উপনীত হয়। দলটোৰ হৈ ৰচিন ৰবীন্দ্ৰই ৬৫ আৰু অধিনায়ক ৰুতুৰাজ গায়কোৱাডে ৫৩ ৰাণ কৰে। ইপিনে মুম্বাই ইণ্ডিয়ানছৰ হৈ অধিনায়ক সূৰ্য কুমাৰ যাদৱে ২৯ আৰু তিলক বাৰ্মাই ৩১ ৰাণৰ বৰঙণি আগবঢ়ায়। ৱিগনেশ পুথুৰে ৩টা আৰু দীপক শ্বহৰ তথা উইল জেক্সে এটাকৈ উইকেট দখল কৰে। চেন্নাই ছুপাৰ কিংছৰ হৈ নুৰ আহমেদে ১৮ ৰাণৰ বিনিময়ত সৰ্বাধিক ৪টা উইকেট দখল কৰে। তেওঁক প্লেয়াৰ অৱ দা মেচ ঘোষণা কৰা হয়।
ইয়াৰ পূৰ্বে হায়দাবাদত অনুষ্ঠিত প্রতিযোগিতাৰ এখন খেলত ছানৰাইজাৰ্ছ হায়দাবাদে ৰাজস্থান ৰয়েলছক ৪৪ ৰাণত পৰাস্ত কৰে। ছানৰাইজাৰ্ছ হায়দাবাদে প্ৰথমে বেট ধৰি নিৰ্ধাৰিত ২০ অভাৰত ৬টা উইকেটৰ বিনিময়ত ২৮৬ ৰাণ কৰে। দলটোৰ হৈ ঈশান কিষাণে শতক আৰু ট্রেভিছ হেডে ৬৭ ৰাণৰ বৰঙণি আগবঢ়ায়। ঈশান কিষাণক প্লেয়াৰ অৱ দা মেচ ঘোষণা কৰা হয়। ছিমাৰজিৎ‍ সিং আৰু হৰ্ষ পেটেলে দুটাকৈ উইকেট দখল কৰে। ইপিনে ৰাজস্থান ৰয়লেছে নিৰ্ধাৰিত অভাৰত ৬টা উইকেট বিনিময়ত ২৪২ ৰাণহে কৰিবলৈ সক্ষম হয়। দলটোৰ হৈ ধ্ৰুৱ জুৰেলে সৰ্বাধিক ৭০ আৰু সঞ্জু ছেমছনে ৬৬ ৰাণ কৰে।
বিশাখাপট্টনমত আজি হ’বলগীয়া এখন খেলত ডেলহী কেপিটেলছে লক্ষ্ণৌ ছুপাৰ জায়েণ্টছৰ বিৰুদ্ধে খেলিব। খেলখন সন্ধিয়া চাৰে ৭ বজাত আৰম্ভ হ’ব।

অধিক পঢ়ক

সকলো চাওক