আই চি চি টি-২০ বিশ্বকাপ ক্রিকেট প্রতিযোগিতা আজি গায়ানাৰ প্ৰভিডেন্স ষ্টেডিয়ামত হ’বলগীয়া এখন খেলত সহআয়োজক ৱেষ্ট ইণ্ডিজ পাপুৱা নিউগিনিৰ বিৰুদ্ধে অৱতীৰ্ণ হ’ব। ভাৰতীয় সময় অনুসৰি খেলখন নিশা ৮ বজাত আৰম্ভ হ’ব। আমেৰিকা আৰু ৱেষ্ট ইণ্ডিজে এইবাৰ যৌথভাৱে আয়োজন কৰা প্ৰতিযোগিতাৰ নৱম সংস্কৰণ আজি আমেৰিকাত আৰম্ভ হৈছে। আজি ডালাছৰ প্ৰেইৰি ষ্টেডিয়ামত অনুষ্ঠিত প্ৰতিযোগিতাৰ উদ্বোধনী খেলখনত আমেৰিকা যুক্তৰাষ্ট্ৰই কানাডাক ৭ উইকেটত পৰাস্ত কৰে। আমেৰিকা যুক্তৰাষ্ট্ৰই ১৯৫ ৰাণৰ বিজয় লক্ষ্যৰে খেল আৰম্ভ কৰি ১৭ অভাৰ আৰু ৪ টা বলত ৩ টা উইকেটৰ বিনিময়ত ১৯৭ ৰাণ কৰে। ইয়াৰ পূৰ্বে কানাডাই প্রথমে বেট ধৰাৰ আমন্ত্ৰণ লাভ কৰি নিৰ্ধাৰিত ২০ অভাৰত ৫ টা উইকেট হেৰুৱাই ১৯৪ ৰাণ কৰে। আমেৰিকা যুক্তৰাষ্ট্ৰৰ হৈ আৰ’ণ জন্স আৰু এল্ড্রিজ গৌছে অর্ধশতক অৰ্জন কৰে।