অষ্ট্ৰেলিয়া আৰু ভাৰতৰ মহিলা ক্রিকেট দলৰ মাজত চলি থকা এদিনীয়া শৃংখলাৰ কুইন্সলেণ্ডৰ ব্ৰীছবেনৰ এলেন ব’ৰ্ডাৰ ফিল্ডত অনুষ্ঠিত দ্বিতীয়খন খেলত অষ্ট্ৰেলিয়াই ভাৰতক ১২২ ৰানত পৰাস্ত কৰে। ৩৭২ ৰানৰ বিজয় লক্ষ্যৰে খেলি ভাৰতীয় মহিলা দলটোৱে ৪৪ অভাৰ ৫টা বলত আটাইকেইটা উইকেট হেৰুৱাই ২৪৯ ৰান সংগ্ৰহ কৰে। এই জয়ৰ জৰিয়তে অষ্ট্ৰেলিয়া দলটোৱে তিনিখনীয়া আন্তঃৰাষ্ট্ৰীয় শৃংখলাটোত ২-০ৰ অগ্ৰগতি লাভ কৰিছে। খেলখনত অষ্ট্ৰেলিয়াই নিৰ্ধাৰিত ৫০ অভাৰত ৮টা উইকেট হেৰুৱাই ৩৭১ ৰান সংগ্ৰহ কৰে। দলটোৰ হৈ জর্জিয়া ৱ’লে ৮৫টা বলত ১০১ ৰান সংগ্ৰহ কৰাৰ লগতে এলিছ পেৰীয়ে ৭৫টা বলত ১০৫ ৰান সংগ্ৰহ কৰে। এনাবেল ছাথাৰলেণ্ডে ৮ অভাৰ ৫টা বলত ৩৮ ৰানৰ বিনিময়ত ৪টা উইকেট দখল কৰে। ভাৰতৰ হৈ ৰীচা ঘোষে ৫৪ ৰান সংগ্ৰহ কৰে। শৃংখলাটোৰ অন্তিম মেচখন অহা ১১ ডিচেম্বৰত অনুষ্ঠিত হ’ব।