লোকসভা সচিবালয়ে অষ্টাদশ লোকসভাৰ নতুন সদস্যসকলক আদৰণি জনোৱাৰ বাবে সাজু হৈছে। সচিবালয়ে এখন বিজ্ঞপ্তিযোগে কৈছে যে, সদস্যসকলক আদৰণি জনোৱাৰ বাবে আৰু বাধাৰোহিত পঞ্জীয়ন সুনিশ্চিত কৰাৰ বাবে ভালেমান ব্যৱস্থা গ্ৰহণ কৰিছে । সময় ৰাহি কৰা আৰু কাগজ বিহীন ডিজিটীয় প্ৰক্ৰিয়া প্ৰয়োগৰ উদ্দেশ্যে সংহত অনলাইন ছফটৱেৰৰ জৰিয়তে নৱ নিৰ্বাচিত সদস্যসকলৰ পঞ্জীয়ন সম্পন্ন কৰা হ’ব। একেদৰে নৱ নির্বাচিত সদস্যসকলক এছ বি আই বেংক একাউণ্ট খোলা, স্থায়ী পৰিচয়পত্র, কেন্দ্ৰীয় চৰকাৰী স্বাস্থ্য কার্ড প্রদান কৰাৰ বাবে বিশেষ ব্যৱস্থা গ্ৰহণ কৰা হৈছে। সচিবালয়ে কৈছে যে আজিৰে পৰা ১৪ জুনলৈ সপ্তাহৰ সাতোটা দিনতে পুৱা ৮ বজাৰ পৰা নিশা ৮ বজালৈ এই প্রক্রিয়া মুকলি থাকিব।