প্রধানমন্ত্ৰী নৰেন্দ্ৰ মোদীয়ে আজি নতুন দিল্লীত অভিধম্ম দিৱস আৰু পালিভাষাক ধ্ৰুপদী ভাষাৰ স্বীকৃতি প্রদান সমাৰোহত অংশগ্ৰহণ কৰিব। সাংস্কৃতিক মন্ত্ৰ্যালয়ৰ সহযোগত আন্তঃৰাষ্ট্ৰীয় বুদ্ধ পৰিষদে এই দিৱসৰ আয়োজন কৰিছে। প্ৰধানমন্ত্ৰীয়ে সমাৰোহত অভিধম্ম দিৱস, পালিভাষাৰ গুৰুত্ব আৰু বৌদ্ধ ধৰ্মৰ চহকী ঐতিহ্যৰ সংৰক্ষণ আৰু প্ৰসাৰৰ বাবে চৰকাৰে চলোৱা প্ৰচেষ্টাৰ বিষয়ে মত প্ৰকাশ কৰিব। সংসদীয় পৰিক্ৰমা আৰু সংখ্যালঘূ পৰিক্ৰমা মন্ত্ৰী কিৰেণ ৰিজিজুও সমাৰোহত উপস্থিত থাকিব। পালি ভাষাই অলপতে আন চাৰিটা ভাষাৰ সৈতে ধ্রুপদী ভাষাৰ মৰ্যাদা লাভ কৰাৰ পৰিপ্ৰেক্ষিতত এইবাৰৰ অভিধম্ম দিৱস অধিক তাৎপৰ্যপূৰ্ণ হৈ উঠিছে। ভগৱান বুদ্ধৰ শিকনিসমূহ মূলত পালি ভাষাত উপলব্ধ। অভিধম্ম দিৱস ৩৩ দিব্য প্ৰাণীৰ দিব্য জগতৰ পৰা সংকাছিয়া নামৰ ঠাইখনত ভগৱান বুদ্ধৰ অৱতৰণৰ লগত সংগতি ৰাখি পালন কৰা হয়। সংকাছিয়া বৰ্তমান উত্তৰ প্ৰদেশৰ ফৰিদাবাদ জিলাৰ সংকিছা বসন্তপুৰ নামে জনাজাত। ঐতিহাসিক অশোক স্তম্ভৰ অৱস্থিতিৰ বাবে এই স্থানৰ গুৰুত্ব অপৰিসীম।