प्रधानमंत्री नरेंद्र मोदी कह्यो के देश रा नौजवानां माथे मोटी ज़िम्मेदारी है- शुक्रवार ने नई दिल्ली मांय एन सी सी री रैली ने सम्बोधित कीना।
देश मांय हाल तांई कोविड ऊं बचाव रा एक सौ 64 करोड़ 44 लाख ऊं बत्ता टीका लगायी ज्या।
प्रधानमंत्री नरेन्द्र मोदी भारत-मध्य एशिया सम्मेलन री पैली बैठक मांय भाषण मांय कयो क्षेत्रीय सुरक्षा सारू आपा सगळा री चिंतावां अर मकसद एक ही।
राष्ट्र बुधवार ने 73वों गणतंत्र दिवस जळसो हरख-उमाव साथै मनायो ।
सरकार पद्म पुरस्कारां रो ऐलाण कर दियो है।
प्रधानमंत्री नरेंद्र मोदी कह्यो है के दुनिया भारत ओड़ी घणी उम्मीद ऊं देख रही है। ऐड़ा बगत मांय म्हाणा कंधां माथे खास तौर ऊं नौजवानां माथे घणी मोटी जिम्मेदारी है। वे शुक्रवार ने दिल्ली कैंट रा करियप्पा परेड ग्राउंड मांय नेशनल कैडेट कोर पीएम रैली मांय बोल रह्या हा। प्रधानमंत्री कह्यो के ईं साल देश आज़ादी रो अमृत महोत्सव मना रह्यो है अर नौजवान ऐडा ऐतिहासिक आयोजन रो हिस्सो बणे तो म्हां ने नौजवानां री ताकत री झलक निजर आवे .....
देश मांय हाल तांई कोविड ऊं बचाव रा एक सौ 64 करोड़ 44 लाख ऊं बत्ता टीका लगा दिया ज्या है। देश मांय केवल 19 दिन मांय हेल्थकेयर अर फ्रंटलाइन वर्कर्स अर 60़ साल ऊं बत्ती उम्र वाळा पात्र लोगां रे कोविड ऊं बचाव रा टीका री एक करोड़ ऊं बत्ती एहतियाती खुराक लगा दीरीजी है।
प्रधानमंत्री नेरन्द्र मोदी कयो कै भारत सारू मध्य एशिया रो हलको एक संगठित अर पाडौसी रा निजर ऊं घणी अहमियत राखे है। लारला तीन दशकां मांय भारत आं सहयोगी देशां रे साथै दोन्यू पक्षां रा संबंधां मांय केई कामयाबियां हासिल करी है।
राष्ट्र बुधवार ने 73वों गणतंत्र दिवस जळसो हरख-उमाव साथै मनायो । खास जळसो राजपथ माथै व्ह्यो। जठे राष्ट्रपति रामनाथ कोविंद राष्ट्र ध्वज फहरायो।
सरकार पद्म पुरस्कारां रो ऐलाण कर दियो है। पेली रा प्रमुख रक्षा अध्यक्ष जनरल बिपिन रावत ने मरणोपरांत पद्म विभूषण ऊं नवाजी ज्या है। राजस्थान रा पैली रा राज्यपाल कल्याण सिंह ने ई मरणोपरांत पद्म विभूषण ऊं नवाज्या जावण रो ऐलाण करी ज्यो है।
राजस्थान मांय बजट री तैयारियां सरु व्हे ग्यी है। ईं सिलसिला मांय शुक्रवार ने बजट ऊं पैली री बातचीत रो दौर सरू व्ह्यो। मुख्यमंत्री अशोक गहलोत शुक्रवार ने राज्य स्तर री कर परामर्शदात्री समिति रा सदस्यां सागे वीडियो कॉन्फ्रेंसिंग रे मार्फत बातचीत कीनी।
प्रदेश मांय तापमान मांय गिरावट सागे पड रही ज़ोरदार ठंड ऊं जिंदगी माथे असर पडयो है। राज्य रा कोई 12 जिलां मांय लारली रात रे मुकाबले तापमान मांय एक डिग्री तांई री कमी आयी। संवारे अर सिंज्यां री पोर बाज रह्या सीळा बायरा ऊं ठंड रो असर और बध ग्यो है। माउन्ट आबू मांय न्यूनतम तापमान लगातार चौथा दिन माइनस मा
मुख्यमंत्री अशोक गहलोत शुक्रवार ने न्यारा-न्यारा जिलां रा एसपी सागे वीडियो कॉन्फ्रेंसिंग रे मार्फत समीक्षा मीटिंग कीनी। वे काल ई राज्य मांय अपराधां रा हालात रो जायजो लीनो हो।
प्रदेश मांय शुक्रवार ने कोविड रा 8 हजार 125 नुवा मामला सामी आया। आं मांय सब ऊं बत्ता 2 हजार 300 मामला जयपुर जिला रा है। जोधपुर मांय ई 707 मरीजां मांय कोरोना वायरस री मौजूदगी री ठा पडी।
राज्य मांय ज़ोरदार ठारी पड़ रही है। सवाईमाधोपुर मांय रात री बगत गळन ऊं बचाव सारु लोग अलाव री मदद लेवता निजर आया। हालांकि वठे आज तावड़ो निकळ्यो। दूजी कानी करौली ज़िला रा मंडरायल उपखंड मुख्यालय परां ग्रामीण विकास अर पंचायती राज मंत्री रमेश मीणा जोरदार ठंड ने ध्यान राखता थकां गरीब महिलावां ने कंबल बांट्या
राजस्थान रा राज्यपाल अर कुलाधिपति कलराज मिश्र कयो है कै नुवी शिक्षा नीति ने लागू करण अर इण रे तैत कोर्स तैय करण मांय प्रदेश रा विश्वविद्यालय दूजा राज्यां सारू मिसाल पेश करें।
प्रधानमंत्री नरेन्द्र मोदी रो मन की बात कार्यक्रम ईं दीतवार ने संवारे साढ़े ग्यारह बज्यां प्रसारित कर्यो जावेला। आ हर महीना प्रसारित कर्या जावण वाळा ईं रेडियो कार्यक्रम री 85वीं कड़ी व्हेला।
प्रधानमंत्री नरेंद्र मोदी रा परीक्षा पे चर्चा कार्यक्रम रा 5वां संस्करण मांय सिरकत करण सारु नाम मंडावण री आखिरी तारीख 3 फरवरी तांई बधा दीरीजी है। ईं कार्यक्रम मांय देश-विदेश रा विद्यार्थी, अभिभावक अर शिक्षक प्रधानमंत्री सागे बातचीत करे है।
परीक्षा पे चर्चा कार्यक्रम री पांचवीं कड़ी मांय भाग लेवण वाळा पढणियां रै पंजीकरण करावण रो गुरूवार ने आखिरी दिन है। ईं अनूठा कार्यक्रम री परिकल्पना प्रधानमंत्री नरेंद्र मोदी री है।
राष्ट्रीय मतदाता दिवस रे मौके आज नई दिल्ली मांय राख्यी ज्या जळसा मांय वोटर लिस्ट मांय नुवा शामिल करी ज्या मतदातावां रो मान करी ज्यो अर मतदता फोटो पहचान पत्र दिया ज्या। ईं मौके उपराष्ट्रपति एम. वेंकैया नायडु निर्वाचन आयोग अर जनता ऊं लोकतंत्र नै और समावेशी बणावण सारू आवता चुनाव मांय 75 फीसदी वोट जरूर
प्रधानमंत्री नरेंद्र मोदी 61 बच्चां ने साल 2021 अर 2022 रा राष्ट्रीय बाल पुरस्कार ऊं नवाज़ा। साल 2022 सारु राजस्थान रा आनंद कुमार समेत 29 बच्चां ने नवाज़ी ज्या। कार्यक्रम मांय अजमेर री छात्रा गौरी माहेश्वरी ने ई नवाज़ी ज्यी।
गणतंत्र दिवस रे मौके दिल्ली मांय राजपथ माथे परेड मांय शामिल व्हेवण वाळी झांकियां मांय ऊं आप पसंद री झांकियां ने वोट दे सको हो। ऐड़ो पैली दफ़ा व्हेला ,जद आं झांकियां ने वोट दे र पसंद बतायी जा सकेला।
चूरू जिला मांय घणी मान्यता वाळा सालासर बालाजी मिन्दर रा पट 19 ऊं 31 जनवरी तांई बंद रेहवेला। कोविड रा बधता पसारा नै ध्यान राखता थकां ओ फैसलो करी ज्यो है।
कथक रा नामचीन कलाकार पद्म विभूषण ऊं नवाज़ी ज्या पंडित बिरजू महाराज दिल रो दौरो पड़बा ऊं देवलोक व्हे ग्या है। वे 83 साल रा हा। लखनऊ घराना रा बिरजू महाराज कालका-बिंदादीन शैली रा पथ प्रदर्शक हा।
उत्तर-पश्चिम रेलवे रा बीकानेर मण्डल ऊं बंग्लादेश रा दर्शना रेलवे टेशन तांई मालगाड़ी रे जरिये चीनी मिट्टी पूगायी जा रही है। रेलवे रा आला अहलकार अनिल कुमार रैना बतायो कै 42 डिब्बा मांय भरी 2 हजार 469 टन चीनी मिट्टी कोलायत ऊं लालगढ़, बीकानेर, चूरु, सीकर, रींगस, जयपुर, बांदीकुई, टूंडला व्हैती थकी बंग्लादे
बीकानेर रा राष्ट्रीय उष्ट्र अनुसंधान केंद्र री ओर ऊं ऊंटनी रा दूध ऊं मिल्क पाउडर समेत खाण-पीण री न्यारी -न्यारी चीजां बणायी जा रही है। ऊंटनी रो दूध राजस्थान सागे ई गुजराज अर हरियाणा रा गांवाई हलकां मांय चाव ऊं काम लियो जावे है।
प्रधानमंत्री नरेंद्र मोदी परीक्षा पे चर्चा कार्यक्रम सारू लोगां ऊं नाम मंडावण बाबत् कह्यो है। आज करी ज्या न्यारा न्यारा ट्वीट रै मार्फत वै कह्यो कै ओ कार्यक्रम सीख लेवण रो बेहतर अनुभव है अर नौजवानां ऊं जुड्बा अर वां री चुनौतियां अर उम्मीदां नै बेहतर तरीका ऊं समझण रो मौको देवे है।
All India Radio News Jaipur