राजस्थान रा दिखणाद अगूणी जिला मांय हळका उं मझला दर्जा री बिरखा रो दौर चाल रियो है।
भाई बहन रा आपसी प्रेम रो तिंवार रक्षाबंधन उमाव रे साथे मनाइ ज्यो।
राष्ट्रपति द्रौपदी मुर्मू नुवा चुणिज्या उपराष्ट्रपति जगदीप धनखड़ ने ओहदा री शपथ दिराई।
प्रधानमंत्री नरेन्द्र मोदी हरियाणा रा पानीपत मांय जैविक ईंधन संयंत्र रो लोकापर्ण करयो- कयो- ईं संयंत्र सूं पराली रो बिना जळाया निपटारो व्है सकेला।
मुल्क मंगलवार ने भारत छोड़ो आंदोलन री बरसी माथै आजादी रा सैनानियां अर आंदोलन सूं जुड्या नायकां ने सिरधा रे साथै याद कर रह्यो है।
केन्द्रीय कृषि अर किसान कल्याण मंत्री नरेंद्र सिंह तोमर मवेशियां ने लम्पी चमडी रा रोग उं बचावण सारू देश मांय बण्या टीका लंपी-प्रोवैक री सरूआत करी। इण ने हिसार रा राष्ट्रीय अश्व अनुसंधान केंद्र बरेली रा भारतीय पशु चिकित्सा अनुसंधान संस्थान री मदद उं विकसित कर्या है।
जम्मू कश्मीर रा राजोरी मायं गुरूवार ने आंतकवादियां सुरक्षाबलां रा ठिकाणा माथे घुसपेठ री कोशिश रे दौरान सुरक्षाबलां रे साथे व्ही गोलीबारी मायं दो आतंकी मार दीरिज्या।
भाई-बहन रा प्रेम री पिछाण रक्षाबंधन रो त्यौहार बृहस्पतिवार ने मनायो जावेला। बहणा आपरा भाईयां री कलाई परा रक्षा सूत्र बांधेंला अर भाई आपरी बहन री हिफाजत रो वचन देवेला। राज्यपाल कलराज मिश्र प्रदेश रा लोगां ने रक्षाबंधन री शुभकामनावां दी है।
प्रदेश मांय लम्पी बीमारी सूं बचाव खातर गायां रे लगायी जा री गोटपॉक्स वैक्सीन ने काम लेवण परां रोक लगा दी है। पशुपालन महकमा रा सचिव पी.सी. किशन आकाशवाणी ने बतायो कै गोटपॉक्स वैक्सीन बकरियां रे लगाबा खातर बणायी ज्यी ही। लम्पी बीमारी सूं बचाव मांय असरदार मिलण परां आपातकाल मांय इण ने काम मांय लियो जा रि
प्रदेश मांय कोविड रा मामला मांय लगतवार बढोतरी व्है री है। ई महीना रा पैला नौ दिन मांय संक्रमण दर साढे 4 फीसदी सूं उपर रही है। ई मियाद मांय रोज़ीना औसत सवा चार सौ लोगां मांय संक्रमण रो खुलासो व्ह्यो है।
हर घर तिरंगा अभियान रे तैत प्रदेश मांय ई महीना री 12 तारीख ने एक करोड़ सूं बेसी स्कूलां रा पढेसरी एके साथै राष्ट्रगीत गा र रिकॉर्ड बणावेला। ई वास्ते प्रदेश सरकार री ठाडी तैयारियां चाल री है। यो कार्यक्रम प्रदेश रा एक लाख सूं बेसी सरकारी अर प्राइवेट स्कूलां मांय राख्यो जावेला।
नागौर रा परबतसर सूं बूंदी जिला रा लाखेरी तांई चूना-भाटो ढोवण वाळी पैली माल गाडी सरू करीजी है। जोधपुर री संभागीय रेल प्रबन्धक गीता पाण्डे बतायो कै लाखेरी सीमेंट कारखाना मांय चूना-भाटा री लगतवार मांग बणी रहवे है।
मंगलवार ने विश्व आदिवासी दिवस माथै आखा प्रदेश मांय केई कार्यक्रम किया गया। आदिवासी जिलां मांय मूल निवासियां ने आप रे अधिकार अर सम्मान ने ले र केई गोष्ठियां अर रैलियां हुई। मुख्यमंत्री अशोक गहलोत बांसवाड़ा मांय व्ह्या कार्यक्रम मांय आदिवासी दिवस माथै इण समुदाय रा लोगां ने शुभकामनावां दीनी।
ओडिशा तट माथै बण्या निम्न दबाव रा तंत्र आगे बढ़ण सूं राजस्थान समेत ओतरा इलाकां मांय आवण वाळा 48 घंटां मांय फेर सूं बरसात री आस है। मौसम महकमा उगाणा अर डाखण जिला मांय आवण वाळा चार दिनां वास्ते भारी बरसात री चेतावनी दीनी है। मौसम केन्द्र जयपुर रा निदेशक राधेश्याम शर्मा बतायो कै लारला चौबीस घंटा मांय आथ
पैगम्बर हज़रत मोहम्मद रे नवासे हज़रत इमाम हुसैन री शहादत री याद मांय मंगलवार ने मुहर्रम अकीदत अर एहतराम रे साथै चितार्यो जा रियो है। मुस्लिम इलाकां मांय सुंवार सूं इज लोगां ढोल बजा र मातम मनायो। केई ठोड पाणी अर शरबत री छबीळां लगायी गी। दुपहर पाछै जुलूस रे साथै ताज़िया निकाळ्या ग्या जिण ने कर्बला मांय स
All India Radio News Jaipur