सूचना अर प्रसारण राज्य मंत्री डॉक्टर एल मुरुगन विश्वास करण लायक अर सांची खबरां सारु आकाशवाणी अर दूरदर्शन री सराहवणा कीनी।
रक्षा मंत्री राजनाथ सिंह देश मांय पैली दफ़ा बणायी ज्यो हल्को लड़ाकू हेलीकॉप्टर राजस्थान मांय भारतीय वायु सेना ने सूंप्यो।
रक्षामंत्री राजनाथ सिंह सोमवार ने जोधपुर आवेला- स्वदेशी हेलीकॉप्टर एलसीएच ने एयरफोर्स बेड़ा मांय भेळो करण रो कार्यक्रम।
प्रधानमंत्री नरेन्द्र मोदी 5-जी सेवावां री सरूआत कीनी- कह्यो कै सरकार सगळा सारू इंटरनेट रा लक्ष्य माथै काम कर रही है।
प्रधानमंत्री नरेन्द्र मोदी गुजरात रा अंबाजी मांय सात हजार दो सौ करोड़ रुप्या ऊं बत्ता खर्चा री परियोजनावां री नींव रखी अर जनता ने सूंपी।
नामचीन गायिका लता मंगेश्कर ने बुधवार ने वां री जयंती रे मौके सिरधाभाव सागे याद करी ज्यी।
36वां राष्ट्रीय खेल गुरुवार ने अहमदाबाद मांय सरू व्हेला। आं खेलां मांय सिरकत करण सारू प्रदेश रा 65 खिलाड़ियां रो दल अहमदाबाद गयो है। ईं दल सागे 35 कोच अर ओहदादार ई गया है।
जानी-मानी अभिनेत्री आशा पारेख ने साल 2020 रा दादा साहेब फाल्के पुरस्कार ऊं नवाजी जावेला। सूचना अर प्रसारण मंत्री अनुराग ठाकुर ओ ऐलाण कीनो। अनुराग ठाकुर बतायो कै 68वांे राष्ट्रीय फिल्म पुरस्कार समारोह तीस सितम्बर ने व्हैला। राष्ट्रपति द्रौपद्री मुर्मु इण री सदारत करेला।
सोमवार ने शारदीय नौरता सरू व्हे रह्या है। ईं मौके मिंदरां अर घरां मांय घट स्थापना करी जावेला। ईं दौरान जयपुर रा आमेर रा शिला माता, सीकर जिला रा जीण माता अर हनुमानगढ जिला रा पल्लू मांय ब्रम्हाणी माता समेत कैई मिंदरां मांय खास आयोजन व्हेला अर मेळा भरेला।
15 सितम्बर ने पद्म पुरस्कार 2023 सारू नाम देवण री आखिरी तारीख है। पद्म पुरस्कार 2023 सारू ऑनलाइन नाम या सिफारिश ईं साल एक मई ने मांगी ज्यी ही। आं ईनामां रो ऐलाण गणतंत्र दिवस 2023 री पैली सिंझ्या करयो जाएला।
एशिया कप क्रिकेट रा तहत दुबई मांय खेली ज्या ट्वेंटी-20 मुकाबला मांय मौजूदा चैम्पियन भारत वां रा पहला मैच मांय चिर प्रतिद्वंद्वी पाकिस्तान ने पांच विकेट ऊं शिकस्त दीनी। भारत टॉस जीत र पाकिस्तान ने पहली बल्लेबाजी सारु बुलायो। पाकिस्तान री टीम 19 ओवर अर पांच गेंद खेल र 147 रन बणा र आउट व्हे ग्यी।
एशिया कप क्रिकेट मांय मौजूदा चैम्पियन भारत आज वां रा पैला मैच मांय दुबई अंतर्राष्ट्रीय स्टेडियम मांय पाकिस्तान रे खिलाफ़ उतरेला। भारत रा समय रे मुजब सिंज्यां साढ़े सात बज्यां सरु व्हेवण वाळा ईं मुकाबला रो आकाशवाणी ऊं हिन्दी अर अंग्रेजी मांय सीधो प्रसारण कर्यो जावेला।
टोक्यो मांय चाल रही विश्व बैडमिंटन चैम्पियनशिप मांय सायना नेहवाल जीत सागे सरूआत कीनी है। महिला एकल मुकाबला रा पैला दौर मांय आज सायना चीन री खिलाड़ी एनगेन यी च्युंग ने शिकस्त दीनी।
भारत गरबा नृत्य ने संयुक्त राष्ट्र शैक्षिक, वैज्ञानिक तथा सांस्कृतिक संगठन -यूनेस्को री सांस्कृतिक सूची मांय भेळा करण सारु नामित कीनो है। यूनेस्को रा निदेशक ऐरिक फॉल्ट कह्यो है के यूनेस्को री अदृश्य सांस्कृतिक विरासत मांय लारला साल दुर्गा पूजा ने शामिल कर्यां पाछै अब भारत गरबा ने साल 2022 सारु नामित
दूरसंचार महकमो 5जी सेवावां री सरूआत रो रस्तो खोलता दूरसंचार ऑपरेटरां ने स्पेक्ट्रम आवंटित कर दिया है। संचार अर सूचना प्रौद्योगिकी मंत्री अश्विनी वैष्णव बतायो कै स्पेक्ट्रम असाइनमेंट सारू कागद काढ दीरी ज्यो है। श्री वैष्णव दूरसंचार सेवा प्रदातावां ऊं अरज करी है कै वे 5जी सेवावां ने सरू करण री तैयारी
All India Radio News Jaipur