प्रधानमंत्री नरेन्द्र मोदी सरकार की योजनावां रो फायदो लेवण वाळां सागे शनिवार ने विकसित भारत संकल्प यात्रा रा तैत वीडियो कांफ्रेसिंग रे मार्फत बातचीत कीनी।
राजस्थान मांय मुख्यमंत्री रा नाम रा ऐलाण री अटकलां बीचे सियासी हलचल बधी -भाजपा विधायक दल री मीटिंग सारू तीन पर्यवेक्षक नियुक्त करी ज्या।
राजस्थान रा नुवा मुख्यमंत्री रो नाम तैय करण सारू भाजपा रा आला नेतावां बीचे मंथन जारी।
राजस्थान मांय विधानसभा चुनाव रा नतीजा जारी व्हेवण पाछे ई मुख्यमंत्री रो नाम तैय करण सारू भारतीय जनता पार्टी मांय विचार जारी।
निर्वाचन आयोग गंगानगर जिला रा करणपुर विधानसभा हलका मांय चुनाव रा कार्यक्रम रो ऐलाण कीनो।
प्रधानमंत्री नरेंद्र मोदी केंद्र सरकार की योजनावां रो फायदो लेवण वाळां सागे शनिवार ने विकसित भारत संकल्प यात्रा रा तैत वीडियो कांफ्रेसिंग रे मार्फत बातचीत कीनी। वे कह्यो के विकसित भारत संकल्प य़ात्रा वां लोगां कने पूगण रो मज़बूत ज़रियो बण ग्यी है,ज्यां ने सरकारी योजनावां रो फ़ायदो नी मिल्यो है। प्रधानमंत्री कह्यो के आ यात्रा देश रा हर रेहवासी तांई पूगण री विनम्र कोशिश है।
प्रदेश मांय मुख्यमंत्री रा नाम रा ऐलाण री अटकलां बीचे सियासी हलचल बध़ ग्यी है। भारतीय जनता पार्टी प्रदेश मांय नुवा चुणी ज्या विधायक दल री मीटिंग सारू तीन पर्यवेक्षक नियुक्त कीना है। रक्षा मंत्री राजनाथ सिंह अर भाजपा रा नेता सरोज पांडे अर विनोद तावडे ने राजस्थान सारू पर्यवेक्षक बणायी ज्या है।
प्रदेश मांय नुवा मुख्यमंत्री रो नाम तैय करण सारू भारतीय जनता पार्टी रा आला नेतावां बीचे विचार चाल रह्यो है। राज्य री पैली वाळी मुख्यमंत्री वसुंधरा राजे समेत प्रदेश भाजपा रा केई आला नेता दिल्ली मांय पार्टी रा आला नेतावां सागे मुलाकात कर रह्या है।
प्रदेश मांय विधानसभा चुनाव रा नतीजा जारी व्हेवण पाछे ई मुख्यमंत्री रो नाम तैय करण सारू भारतीय जनता पार्टी मांय विचार चाल रह्यो है। ईं बीचे, बुधवार ने नुवा चुणी ज्या विधायक राज्यवर्धन राठौड अर दिया कुमारी लोकसभा री सदस्यता ऊं अर डॉ. किरोड़ी लाल मीणा राज्यसभा री सदस्यता ऊं इस्तीफो दे दीनो।
निर्वाचन आयोग गंगानगर जिला रा करणपुर विधानसभा हलका मांय चुनाव रा कार्यक्रम रो ऐलाण कर दीनो है। ईं सीट माथे 5 जनवरी ने वोट पडेला। मुख्य निर्वाचन अधिकारी प्रवीण गुप्ता बतायो के करणपुर विधानसभा हलका मांय चुनाव करावण सारू 12 दिसम्बर ने अधिसूचना जारी करी जावेला।
राज्य मांय साल री चौथी अर आखिरी राष्ट्रीय लोक अदालत शनिवार ने लगायी ज्यी, जिण मांय मोटी तादाद मांय मामला राजीनामा ऊं सुलझाई ज्या। राजस्थान हाईकोर्ट रा कार्यवाहक मुख्य न्यायाधीश न्यायमूर्ति मनिंद्र मोहन श्रीवास्तव हाईकोर्ट री जयपुर पीठ रा परिसर मांय राष्ट्रीय लोक अदालत रो उद्घाटन दीयो जळा र कीनो।
दौसा मांय ब्याह रा जलसा मांय एक नान्ही टाबरी सागे शुक्रवार ने व्ही कथित ज्यादती रा मामला मांय राजस्थान राज्य बाल अधिकार संरक्षण आयोग संज्ञान लीनो है। आयोग री अध्यक्ष संगीता बेनीवाल दौसा री एस.पी. वंदिता राणा ने कागद भेज र रपट मांगी है।
राज्य मांय विधानसभा चुणाव रा नतीजां मांय बहुमत हासिल करण वाळी भारतीय जनता पार्टी पर्यवेक्षक नियुक्त व्ह्यां पाछे ई हाल तांई नुवा चुणी ज्या विधायक दल री मीटिंग रो कार्यक्रम तैय नी व्ह्यो है। शनिवार ने खबरनवीसां कानी ऊं ईं बारा मांय पूछी ज्या सवाल रा जवाब मांय भाजपा रा प्रदेश अध्यक्ष सी.पी. जोशी कह्य
राज्य री स्कूलां मांय शनिवार ने शिक्षा विभाग री ओर ऊं लेब डे मनायी ज्यो। ई मौके बीकानेर जिला मांय अहलकार आवंटित सीनियर सेकेंडरी स्कूलां री प्रयोगशालावां री जांच-परख कीनी।
उपराष्ट्रपति जगदीप धनखड़ शनिवार ने प्रदेश रा दौरा सारू पधार्या। वे बांसवाड़ा रा त्रिपुर सुंदरी मिन्दर रा दर्शन कर र पूजा-अर्चना कीनी। ईं पाछे वे गुरू गोविन्द जनजातीय विश्वविद्यालय मांय शिक्षकां अर विद्यार्थियां सागे संवाद कार्यक्रम मांय सिरकत कीनी।
राज्य मांय दीतवार ने उप राष्ट्रीय पल्स पोलियो अभियान सरू व्हेला। ईं बाबत् जाग जगावण रा मकसद ऊं शनिवार ने डूंगरपुर मांय चिकित्सा अर स्वास्थ्य विभाग री ओर ऊं जागरूकता रैली निकाळी ज्यी।
भारतीय रिजर्व बैंक रेपो रेट मांय कोई बदलाव नी कीनो है अर रेपो रेट साढे छह फीसदी रा लेवल माथे बणी रेहवेला। रिजर्व बैंक री मौद्रिक नीति समिति री समीक्षा मीटिंग पाछे रिजर्व बैंक रा गवर्नर शक्तिकांत दास आ जाणकारी दीनी।
प्रधानमंत्री नरेंद्र मोदी शनिवार ने वीडियो कॉन्फ्रेंसिंग रे मार्फत विकसित भारत संकल्प यात्रा, रा तहत केन्द्र कानी ऊं चलायी जा रही जनता रा भला री योजनावां रो फ़ायदो लेवण वाळां सागे बातचीत करेला। देशभर मांय मोटी तादाद मांय जनता रा भला री योजनावां रो फ़ायदो लेवण वाळा, दो हजार ऊं बत्ता विकसित भारत संकल्
गृहमंत्री अमित शाह कह्यो है के अखिल भारतीय विद्यार्थी परिषद -एबीवीपी सरूआत ऊं ई देश रा विकास मांय खास भूमिका निभाई है। वे शुक्रवार ने दिल्ली मांय एबीवीपी रा 69 वां राष्ट्रीय अधिवेशन रा उद्घाटन जलसा मांय बोल रह्या हा।
लोकसभा मांय गुरूवार ने प्रश्नकाल रे दौरान पूरक सवालां रा जवाब मांय आवास अर शहरी मामलात मंत्री हरदीप सिंह पुरी आ जाणकारी दीनी।
लोकसभा जम्मू-कश्मीर आरक्षण (संशोधन) बिल-2023 अर जम्मू-कश्मीर पुनर्गठन (संशोधन) बिल-2023 पास कर दीना है। जम्मू-कश्मीर आरक्षण (संशोधन) बिल-2023, जम्मू-कश्मीर आरक्षण विधेयक-2004 मांय बदलाव रा बारा मांय है। ईं रा तैत अनुसूचित जाति, अनुसूचित जनजाति अर सामाजिक अर शैक्षिक तौर ऊं पिछाड़ी लोगां ने पेशेवर
गृह मंत्रालय संगठित निवेश या अंशकालिक काम आधारित रोजगार देवण री धोखाधड़ी मांय शामिल एक सौ ऊं बत्ती वेबसाइटां री पिछाण कर र वां ने भारतीय साइबर अपराध समन्वय केंद्र री पहल रा तैत ब्लॉक कर दीनी है। मंत्रालय री आधिकारिक पानड़ी रे मुजब ऐड़ी वेबसाइटां माली अपराधां ने बधावो दे रही है।
भारतीय रिजर्व बैंक रा गवर्नर शक्तिकांत दास बैंकां अर गैर-बैंकिंग रोकड़ कंपनियां रे बीचे तालमेल बधावण माथे जोर दियो है। वणा बैंकां ऊं कह्यो है के वे गैर बैंकिंग रोकड कंपनीयां रे साथे आपरा सम्बन्धां ने बरोबर आंके।
21 नवम्बर विश्व टेलीविजन दिवस है। ओ दिन दृश्य माध्यम रा महतव ने उजागर करण अर फैसलो लेवण माथे इण रा बधता असर अर दुनियां भर मांय बातचीत ने आकार देवण मांय इण री भूमिका रेखांकित करण सारू मनायो जावे है। इण साल रो मुद्दो है सुगम्यता।
आईसीसी क्रिकेट विश्व कप मांय भारत अर ऑस्ट्रेलिया रेे बीचे अहमदाबाद रा नरेंद्र मोदी स्टेडियम मांय खेल्यां जा रह्या फाइनल मुकाबला मांय खिताब जीतण सारू ऑस्टेलिया ने 241 रन रो लगस मिल्यो है। इण ऊं पैला ऑस्ट्रेलिया टॉस जीत ने पेला गेंदबाजी करण रो फैसलो कर्यो।
आईसीसी क्रिकेट विश्व कप रा फाइनल मुकाबला मांय रविवार ने भारत रो मुकाबलो ऑस्ट्रेलिया ऊं व्हेला। अहमदाबाद रा नरेंद्र मोदी स्टेडियम मांय खेल्यां जावण वाळां ईं मुकाबलां मांय ने देखण सारू प्रधानमंत्री नरेंद्र मोदी अर ऑस्ट्रेलियाई उपप्रधानमंत्री रिचर्ड मार्ल्स समेत ठांवा मेहमानां रे भेळां होवण री आस है। म
विश्वकप क्रिकेट रा तैत गुरूवार ने कोलकाता मांय खेल्या जा रह्या दूजा सेमीफाइनल मुकाबला मांय दक्षिण अफ्रीका ऑस्ट्रेलिया ने जीतण सारु. तैय 50 ऑवर रा खेल मांय 213 रन बणावण री चुनौती दीनी है।
विश्वकप क्रिकेट रा तैत पैला सेमीफाइनल मुकाबला मांय भारत न्यूजीलैण्ड ने जीतण सारू 398 रन बणावण री चुनौती दीनी है। टॉस जीत र पैली बल्लेबाजी करता थकां भारत तैय 50 ऑवर रा खेल मांय 397 रन बणाया अर वां रा 4 बल्लेबाज आउट व्ह्या। विराट कोहली सब ऊं बत्ता 117 रन बनाया जद के श्रेयस अय्यर ई 105 रन बणा र सैंकड़ो
All India Radio News Jaipur