गोव्यात सुरू असलेल्या इफ्फी अर्थात भारतीय आंतरराष्ट्रीय चित्रपट महोत्सवात झालेल्या पाच दिवसीय फिल्म बाजारचा समारोप आज प्रसाद डी-१ पुरस्कारप्राप्त  बांगलादेशी चित्रपट ‘आगंतूक’ च्या प्रदर्शनानं झाला. बिप्लब सरकार यांनी या चित्रपटाचं दिग्दर्शन केलं आहे.

इफ्फीचे  संचालक रवींद्र भाकर यांनी सांगितलं की, सुमारे चौदाशे नोंदणीकृत प्रतिनिधींचा समावेश असलेल्या फिल्म बाजारच्या या सोळाव्या आवृत्तीला अभूतपूर्व यश मिळालं आहे. जागतिक बाजारपेठेशी समन्वय साधत या वर्षीच्या फिल्म बाजारनं देश तसंच राज्यस्तरीय उद्योजकांच्या  सहभागानं आपली व्याप्ती वाढवली आहे, असं ते म्हणाले.