কেন্দ্ৰীয় যুৱ পৰিক্ৰমাআৰু ক্ৰীড়া মন্ত্ৰী কিৰেণ ৰিজিজুৱে কৈছে যে ২০২৮ চনত লজ এঞ্জেলেচত অনুষ্ঠিত হ’বলগীয়া অলিম্পিক ক্ৰীড়াপ্ৰতিযোগিতাৰ পদক তালিকাত শীৰ্ষ দহখন দেশৰ ভিতৰত স্থান নিশ্চিত কৰাৰ বাবে ভাৰতেপ্ৰয়াস অব্যাহত ৰাখিছে। লেহৰ NDS ইন্দোৰ ষ্টেডিয়ামত লাডাখ শীতকালীন ক্ৰীড়া সমাৰোহমুকলি কৰি ক্ৰীড়া মন্ত্ৰীগৰাকীয়ে এই কথা প্ৰকাশ কৰে। তেওঁ কয় যে চলিত বৰ্ষৰজুলাইত অনুষ্ঠিত হ’বলগীয়া টকিঅ’ অলিম্পিকৰ বাবে বিভিন্ন ক্ষেত্ৰৰ ৬২ গৰাকী খেলুৱৈয়েইতিমধ্যে নিজৰ স্থান নিশ্চিত কৰিছে আৰু মে’ মাহৰ ভিতৰত কেইবাগৰাকী খেলুৱৈয়ে এই প্ৰতিযোগিতাৰ বাবেযোগ্যতা অৰ্জন কৰিব। শ্ৰীৰিজিজুৱে কয় যে বিশ্বৰ যুৱ উদ্যমৰ ২০ শতাংশই যাতেপ্ৰতিনিধিত্ব কৰিব পাৰে তাৰ বাবে চৰকাৰে প্ৰথম বাৰৰ বাবে খেলো ইণ্ডিয়া কাৰ্যসূচীৰঅধীনত বিশ্ববিদ্যালয় ক্ৰীড়া সমাৰোহ, যুৱ ক্ৰীড়া আৰু শীতকালীন ক্ৰীড়া সমাৰোহৰআয়োজন কৰিছে। এতিয়ালৈ ১৫ হাজাৰ যুৱ প্ৰতিভা চিনাক্ত কৰা হৈছে আৰু বিভিন্ন শিবিৰতপ্ৰশিক্ষণ প্ৰদান কৰি থকা হৈছে। অহা ৭ মাৰ্চত গুলমাৰ্গত জম্মু-কাশ্মীৰ শীতকালীনক্ৰীড়া সমাৰোহ আৰম্ভ হ’ব বুলি উল্লেখ কৰি তেওঁ এই ক্ৰীড়া সমাৰোহৰ মান তথাঅংশীদাৰিত্ব উন্নত কৰাৰ বাবে পুঁজিৰ পৰিমান বৃদ্ধি কৰাৰ আশ্বাস দিয়ে।