মুখ্য বাতৰি
দেশৰ অৰ্থনৈতিক পৰিস্থিতি সন্দৰ্ভত ৰাজ্যসভাত বিত্ত মন্ত্রী নির্মলা সীতাৰমনৰ প্ৰকাশ            ৰাজ্যৰ আন্তঃগাঁথনি উন্নয়ন সন্দৰ্ভত মুখ্যমন্ত্রী ড০ হিমন্ত বিশ্ব শৰ্মাৰ বৈঠক            ৰাজ্যৰ ৫৮গৰাকী প্রার্থীক নিযুক্তি পত্ৰ প্ৰদান            সশস্ত্র বাহিনীৰ পতাকা দিৱসত প্ৰতিৰক্ষা মন্ত্ৰী ৰাজনাথ সিঙৰ ভাষণ            শাসনৰ ক্ষেত্ৰত বিজেপি সর্বাধিক পচন্দৰ দল : প্রধানমন্ত্রী নৰেন্দ্ৰ মোদী           

Feb 02, 2023
, 
6:19PM

মধ্যবিত্তক সামান্য সকাহেৰে ২০২৩-২৪ বিত্তীয় বৰ্ষৰ সাধাৰণ বাজেট উত্থাপন

File Photo
কেন্দ্রীয় বিত্ত মন্ত্রী নির্মলা সীতাৰমনে কালি সংসদত ২০২৩-২৪ বিত্তীয় বৰ্ষৰ বাবে সাধাৰণ বাজেট উত্থাপন কৰে। বিত্তমন্ত্ৰীয়ে বাজেটত সীমা শুল্কৰ বৃদ্ধি বা হ্ৰাসৰ অৰ্থে দিয়া প্ৰস্তাৱৰ বাবে ভালেমান সামগ্ৰীৰ মূল্য প্ৰভাৱিত হ'ব। মূল্য বৃদ্ধি হোৱা সামগ্ৰীসমূহৰ ভিতৰত সোণৰ পৰা নিৰ্মিত সামগ্ৰী, ৰান্ধনিশালত ব্যৱহৃত বৈদ্যুতিন চিমনি, পৰীক্ষাগাৰত নির্মিত হীৰা, ৰূপৰ বাচন-বৰ্তন আৰু আ-অলংকাৰ, তামৰ সামগ্ৰী, বি-মিশ্ৰিত ৰবৰ, ৰেডিমেড কাপোৰ আৰু ছিগাৰেট অন্যতম। ইয়াৰ বিপৰীতে মূল্য হ্ৰাস পাবলগীয়া সামগ্ৰীসমূহৰ ভিতৰত, কেমেৰাৰ লেন্স, ম'বাইল ফোন, টিভিৰ যন্ত্রাংশ, লিথিয়াম আয়ন বেটাৰী প্ৰস্তুত কৰাৰ বাবে ব্যৱহৃত যন্ত্ৰ আৰু বৈদ্যুতিন বাহন উদ্যোগৰ বাবে কেঁচা সামগ্রী আছে।
এইবাৰৰ সাধাৰণ বাজেটত গৃহ মন্ত্ৰালয়ৰ বাবে ১ লাখ ৯৬ হাজাৰ কোটি টকা ধাৰ্য কৰা হৈছে। জম্মু-কাশ্মীৰ আৰু লাডাখৰ বাবে ৪১ হাজাৰ ৫৩৯ কোটি টকাৰ ব্যৱস্থা কৰা হৈছে। একেদৰে দিল্লী আৰক্ষীৰ বাবে ১১ হাজাৰ ৯৩২ কোটি টকা আৱণ্টন দিয়া হৈছে।
বাজেটত প্ৰতিৰক্ষা মন্ত্ৰালয়ৰ বাবে ৫ লাখ ৯৪ হাজাৰ কোটি টকা ধাৰ্য কৰা হৈছে। ধাৰ্য কৰা ধনৰ এই পৰিমাণ মুঠ বাজেটৰ ১৩.১-৮ % প্ৰতিৰক্ষা শিতানত এই বেলি যোৱাবাৰৰ তুলনাত ১৩ শতাংশৰো অধিক ধন আৱণ্টন দিয়া হৈছে। ইয়াৰে ভিতৰত ১ লাখ ৩৮ হাজাৰ কোটি টকা প্ৰতিৰক্ষা কৰ্মীসকলৰ পেন্সনৰ বাবদ ধাৰ্য কৰা হৈছে। আধুনিকীকৰণ আৰু আন্তঃগাঁথনিৰ উন্নয়নৰ বাবে ১ লাখ ৬২ হাজাৰ কোটি টকাৰ মূলধনী ব্যয় ধার্য কৰা হৈছে। ধনৰ এই পৰিমাণ ২০১৯-২১ বৰ্ষৰে পৰা ৯৭ শতাংশ বৃদ্ধি কৰা হৈছে। প্ৰতিৰক্ষা মন্ত্ৰী ৰাজনাথ সিঙে ২০২৩-২৪ বৰ্ষৰ সাধাৰণ বাজেটক বিকাশমুখী বাজেট বুলি অভিহিত কৰিছে। বাজেটে কেইটামান বছৰৰ ভিতৰত ভাৰতীয় অর্থ ব্যৱস্থাৰ পৰিধি ৫ লাখ কোটি ডলাৰলৈ বৃদ্ধি কৰাৰ লক্ষ্যত উপনীত হোৱাত সহায় কৰিব বুলি শ্রীসিঙে উল্লেখ কৰে।

   আনুসংগিক বাতৰি

লাইভ টুইটাৰ ফিড

সাম্প্ৰতিক বতৰ

As on-24 Nov 2021
মহানগৰ সৰ্বোচ্চoC সৰ্বনিম্নoC
দিল্লী 26.7 9.2
মুম্বাই 34.0 23.0
চেন্নাই 32.4 25.0
কলকাতা 30.9 20.7
বাংগালুৰু 29.8 20.1