কেন্দ্ৰীয় মন্ত্ৰী অনুৰাগ সিং ঠাকুৰে আমেৰিকা যুক্তৰাষ্ট্ৰৰ অৰিগণত অনুষ্ঠিত বিশ্ব এথলেটিকছ প্ৰতিযোগিতাত প্ৰদৰ্শন কৰা সাফল্যৰ বাবে নিৰজ চোপ্ৰা, ৰোহিত যাদৱ আৰু এলধ’ছ পলক অভিনন্দন জনাইছে। এটা টুইট বাৰ্তাত শ্ৰীঠাকুৰে কয় যে, ভাৰতে এই প্ৰতিযোগিতাত ইতিহাস সৃষ্টি কৰিলে। প্ৰথমবাৰৰ বাবে ২গৰাকী জেভলিন প্ৰতিযোগী নিৰজ চোপ্ৰা আৰু ৰোহিত যাদৱে এই বিশ্ব চেম্পিয়নশ্বিপৰ চূড়ান্ত পৰ্যায়ত স্থান লাভ কৰিছে বুলি উল্লেখ কৰি তেওঁ সন্তুষ্টি ব্যক্ত কৰে। মন্ত্ৰীগৰাকীয়ে লগতে কয় যে, ইয়াৰ বিপৰীতে এলধ’ছ পল পুৰুষৰ ত্ৰিপল জাম্প প্ৰতিযোগিতাৰ চূড়ান্ত পৰ্যায়ত উপনীত হোৱা প্ৰথমগৰাকী ভাৰতীয় খেলুৱৈ হিচাপে বিবেচিত হৈছে।